ପ୍ରଧାନମନ୍ତ୍ରୀ ମୋଦିଙ୍କ ୧୨ ସୂତ୍ରୀ ପ୍ରସ୍ତାବ ଉପସ୍ଥାପନ…..

ରିପୋର୍ଟ କାର୍ଡ / ନୂଆଦିଲ୍ଲୀ

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏସିଆନ ସମ୍ମିଳନୀକୁ ସମ୍ବୋଧିତ କରିଛନ୍ତି। ଆତଙ୍କବାଦ ଭଳି ସମସାମୟିକ ଆହ୍ବାନର ମୁକାବିଲା ତଥା ରଣନୀତିକ ଭାଗିଦାରୀକୁ ସୁଦୃଢ଼ କରିବା ସହିତ ଡିଜିଟାଲ ରୂପାନ୍ତର, ବାଣିଜ୍ୟ ଏବଂ ଅର୍ଥନୈତିକ ଯୋଗଦାନ ଭଳି କ୍ଷେତ୍ରରେ ଭାରତ-ଏସିଆର ସହଯୋଗକୁ ମଜବୁତ କରିବାକୁ ସେ ଏକ ୧୨ ସୂତ୍ରୀ ପ୍ରସ୍ତାବ ଉପସ୍ଥାପନ କରିଛନ୍ତି। ଇଣ୍ଡୋନେସିଆର ରାଜଧାନୀ ଜାକର୍ତ୍ତାରେ ୨୦ତମ ଭାରତ-ଏସିଆନ ସମ୍ମିଳନୀରେ ପ୍ରଧାନମନ୍ତ୍ରୀ ମୋଦିଯୋଗ ଦେଇଥିଲେ। ଏହି ସମ୍ମିଳନୀରେ ଏସିଆନ (ଆସୋସିଏସନ୍‌ ଅଫ୍‌ ଦକ୍ଷିଣ ପୂର୍ବ ଏସୀୟ ନେସନ୍ସ)ର ସେକ୍ରେଟେରୀ ଜେନେରାଲ ଡକ୍ଟର କାଓ କିମ୍‌ ହର୍ନ ମଧ୍ୟ ଉପସ୍ଥିତ ଥିଲେ। ଏହି ସମ୍ମିଳନୀରେ ଦୁଇଟି ମିଳିତ ବିବୃତ୍ତି ମଧ୍ୟ ଗ୍ରହଣ କରାଯାଇଛି – ଗୋଟିଏ ସାମୁଦ୍ରିକ ସହଯୋଗ ଏବଂ ଅନ୍ୟଟି ଖାଦ୍ୟ ସୁରକ୍ଷା ଉପରେ |