ଚାର୍ଲ୍ସ-୩ଙ୍କୁ କର୍କଟ, ଆରୋଗ୍ୟ କାମନା କଲେ ପ୍ରଧାନମନ୍ତ୍ରୀ ମୋଦୀ…..

ରିପୋର୍ଟ କାର୍ଡ / ନୂଆଦିଲ୍ଲୀ

କର୍କଟ ରୋଗରେ ଆକ୍ରାନ୍ତ ବ୍ରିଟେନର ରାଜା ଚାର୍ଲ୍ସ-୩। ତାଙ୍କର ଆରୋଗ୍ୟ କାମନା କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଏକ ଏକ୍ସ ପୋଷ୍ଟ୍‌ କରିଛନ୍ତି। ମୋଦୀ ତାଙ୍କ ପୋଷ୍ଟ୍‌ରେ‌ ଲେଖିଛନ୍ତି। ‘‘ଭାରତବାସୀଙ୍କ ପକ୍ଷରୁ ମୁଁ ରାଜା ଚାର୍ଲ୍ସ-୩ଙ୍କ ଶୀଘ୍ର ଆରୋଗ୍ୟ କାମନା କରୁଛି।’’ ବକିଙ୍ଗହମ୍ ପ୍ୟାଲେସ୍ ସୋମବାର ଏକ ବିବୃତ୍ତିରେ କହିଛି ଯେ ୭୫ ବର୍ଷୀୟ ରାଜା କର୍କଟ ରୋଗରେ ଆକ୍ରାନ୍ତ ହୋଇଛନ୍ତି। ତାଙ୍କର ଲଣ୍ଡନର ଏକ କ୍ଲିନିକରେ ୧ ମାସ ତଳେ ଅସ୍ତ୍ରୋପଚାର କରାଯାଇଛି। ତାଙ୍କ ରୋଗ ବିଷୟରେ ଜ‌ାନୁଆରି ୧୭ ତାରିଖରେ ଜଣାପଡ଼ିଛି। ସେ ତାଙ୍କ ଚିକିତ୍ସା ବିଷୟରେ ସମ୍ପୂର୍ଣ୍ଣ ସକାରାତ୍ମକ ରହିଛନ୍ତି ଏବଂ ଯଥାଶୀଘ୍ର ନିଜ କର୍ତ୍ତବ୍ୟ ପୂରା କରିବାକୁ ଫେରିବାକୁ ଅପେକ୍ଷା କରିଛନ୍ତି ବୋଲି ଏଥିରେ କୁହାଯାଇଛି।