ଓୟୁଏଟି ର ନୂଆ କୁଳପତି ପ୍ରଫେସର ପ୍ରଭାତ ରାଉଳ….

ରିପୋର୍ଟ କାର୍ଡ / ଭୁବନେଶ୍ୱର

ଓଡ଼ିଶା କୃଷି ଓ ବୈଷୟିକ ବିଶ୍ୱବିଦ୍ୟାଳୟ ର ନୂଆ କୁଳପତି ଭାବେ ପ୍ରଫେସର ପ୍ରଭାତ କୁମାର ରାଉଳଙ୍କୁ ନିଯୁକ୍ତି ମିଳିଛି । ରାଜ୍ୟପାଳ ପ୍ରଫେସର ଗଣେଶୀଲାଲ ତାଙ୍କୁ ଏହି ନିଯୁକ୍ତି ଦେଇଛନ୍ତି । ପ୍ରଫେସର ରାଉଳ ଓୟୁଏଟି କୁଳପତି ଭାବେ ୩ବର୍ଷ ନିମନ୍ତେ କାର୍ଯ୍ୟ କରିବେ। ସୂଚନା ଅନୁସାରେ, ପ୍ରଫେସର ରାଉଳ ଓୟୁଏଟି ଡିନ୍ ଭାବେ କାର୍ଯ୍ୟ କରୁଥିବାବେଳେ ତାଙ୍କୁ ରାଜ୍ୟ ସରକାର ଡେପୁଟେସନରେ ଆପିକଲ୍ ପରିଚାଳନା ନିର୍ଦ୍ଦେଶକ ଭାବେ ଡେପୁଟେସନରେ ପଠାଇଥିଲେ । ତେବେ ଓୟୁଏଟି କୁଳପତି ପବନ କୁମାର ଅଗ୍ରୱାଲଙ୍କ କାର୍ଯ୍ୟକାଳ ସମାପ୍ତ ହେବାପରେ ଏହି ଖାଲି ପଡ଼ିଥିବା ପଦବୀରେ କୃଷି ବିଶେଷଜ୍ଞ ପ୍ରଫେସର ରାଉଳଙ୍କୁ ନିଯୁକ୍ତି ମିଳିଛି ।