ପୁଅକୁ ଭେଟିବାକୁ ଜେଲରେ ପହଞ୍ଚିଲେ ଶାହାରୁଖ ଖାନ……

ରିପୋର୍ଟ କାର୍ଡ / ମୁମ୍ବାଇ

ପ୍ରଥମ ଥର ପାଇଁ ଶାହାରୁଖ ଖାନ ଆଜି ସକାଳେ ତାଙ୍କ ପୁଅ ଆର୍ଯ୍ୟନ ଖାନଙ୍କୁ ଭେଟିବା ପାଇଁ ଆର୍ଥର ରୋଡ ଜେଲରେ ପହଞ୍ଚିଥିଲେ। ଶାହାରୁଖ ପ୍ରାୟ ୯.୧୦ ରେ ୱେଟିଂ ରୁମ୍‌କୁ ଯାଇଥିଲେ। ବଡିଗାର୍ଡ ରବି ଏବଂ କର୍ମଚାରୀମାନେ ମଧ୍ୟ ତାଙ୍କ ସହିତ ବାହାରେ ନଜର ଆସିଥିଲେ। ଡ୍ରଗ୍ ମାମଲାରେ ଆର୍ଯ୍ୟନ ଧରାପଡ଼ିବା ପରେ ତାଙ୍କ ବାପାଙ୍କ ସହ ଏହା ପ୍ରଥମ ମୁହାଁମୁହିଁ ସାକ୍ଷାତ। କୋଭିଡ ପ୍ରୋଟୋକଲ ହେତୁ ଶାହାରୁଖ ଆର୍ଯ୍ୟନଙ୍କୁ ଭେଟି ପାରୁନଥିଲେ। ଆଜିଠାରୁ ସମ୍ପର୍କୀୟମାନଙ୍କୁ ସାକ୍ଷାତ କରିବାକୁ ଅନୁମତି ଦିଆଯାଇଛି, ଯାହାର ସୁଯୋଗ ନେଇ ଶାହାରୁଖ ଆର୍ଯ୍ୟନଙ୍କୁ ଭେଟିବାକୁ ଯାଇଥିଲେ। କୋଭିଡ ସହ ଜଡିତ ସତର୍କତା ସହିତ ସେ ୧୦ ରୁ ୧୫ ମିନିଟ୍ ପାଇଁ ସାକ୍ଷାତ କରିବାକୁ ସମୟ ପାଇଥିଲେ। ବର୍ତ୍ତମାନ ପର୍ଯ୍ୟନ୍ତ ଶାହାରୁଖ ଏବଂ ଗୌରୀ ଆର୍ଯ୍ୟନଙ୍କ ସହ ଭିଡିଓ କଲରେ କଥା ହେଉଥିଲେ। ଜାମିନ ପାଇଁ ଆର୍ଯ୍ୟନ୍ ଖାନଙ୍କ ଓକିଲ ଆଜି ବମ୍ବେ ହାଇକୋର୍ଟରେ ପହଞ୍ଚିବେ। ଅକ୍ଟୋବର ୨୦ ରେ ସେସନ୍ସ କୋର୍ଟରେ ଆର୍ଯ୍ୟନଙ୍କ ଜାମିନ ଆବେଦନକୁ ପ୍ରତ୍ୟାଖ୍ୟାନ କରାଯାଇଥିଲା। କର୍ଡେଲିଆ ସିପ୍ ଉପରେ ରେଡ୍ ପରେ ଏନସିବି ଆର୍ଯ୍ୟନ ଖାନଙ୍କୁ ଗିରଫ କରିଥିଲା। ସେମାନଙ୍କ ସହିତ ଆଉ ୭ ଜଣଙ୍କୁ ଗିରଫ କରାଯାଇଥିଲା। ପରେ ଏହି ମାମଲାରେ ଅନେକ ଜଣଙ୍କୁ ଗିରଫ କରାଯାଇଛି। ଏନସିବି ଅଭିଯୋଗ କରିଛି ଯେ ଆର୍ଯ୍ୟନଙ୍କ ଅନ୍ତର୍ଜାତୀୟ ଡ୍ରଗ୍ ବେପାରୀଙ୍କ ସହ ସମ୍ପର୍କ ରହିଛି।