ଶ୍ରୀମନ୍ଦିରରେ ଗଳାବାଟ ଦେଇ ଭକ୍ତଙ୍କୁ ଛାଡ଼ିବା ନେଇ ଅଭିଯୋଗ……

ରିପୋର୍ଟ କାର୍ଡ / ପୁରୀ

ଶ୍ରୀମନ୍ଦିର ଚାରିଦ୍ୱାର ଓ କିଛି ଗଳାବାଟରେ ନିୟୋଜିତ ଥିବା ସୁରକ୍ଷାକର୍ମୀ ଭକ୍ତଙ୍କ ଠାରୁ ଟଙ୍କା ନେଇ ଛାଡୁଥିବା ନେଇ ଅଭିଯୋଗ ହୋଇଆସୁଛି। ବିଭିନ୍ନ ଗଣମାଧ୍ୟମରେ ଏନେଇ ଖବର ପ୍ରକାଶ ପାଇବା ପରେ ପ୍ରଶାସନ ପକ୍ଷରୁ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି। କିଛିଦିନ ପରେ ପୁଣି ଯେଉଁ କଥାକୁ ସେଇ କଥା ଦେଖିବାକୁ ମିଳୁଛି। ଗଳାବାଟରେ ହାତଗୁଞ୍ଜା ନେଇ ଦାୟିତ୍ୱରେ ଥିବା ସୁରକ୍ଷାକର୍ମୀ ଭକ୍ତଙ୍କୁ ଛାଡୁଛନ୍ତି । ଯାହାର ଏକ ଜ୍ବଳନ୍ତ ଉଦାହରଣ ବୁଧବାର ଦେଖିବାକୁ ମିଳିଛି। ହାତଗୁଞ୍ଜା ରଖି ଗଳାବାଟରେ ନୂତନ ଭାବେ ନିଯୁକ୍ତି ପାଇଥିବା ଜେଟିପି ସ୍କ୍ବାଡ୍‌ ଭକ୍ତଙ୍କୁ ଛାଡୁଥିବା ଦେଖାଯାଇଛି। ଚୌକିରେ ରଖି ଟଙ୍କା ଆଦାୟ କରୁଥିବା ଦେଖିବାକୁ ମିଳିଛି।ସୂଚନାଯୋଗ୍ୟ, ଶ୍ରୀମନ୍ଦିର ସିଂହଦ୍ୱାର ସମ୍ମୁଖ ସେବାୟତଙ୍କ ପାଇଁ ଉର୍ଦ୍ଦିଷ୍ଟ ରାସ୍ତାରେ ସୁରକ୍ଷା କର୍ମୀ ଟଙ୍କା କାରବାର କରୁଛନ୍ତି। ଏପରି କାର୍ଯ୍ୟ ଶ୍ରୀମନ୍ଦିରର ସୁରକ୍ଷା ନେଇ ପ୍ରଶ୍ନବାଚୀ ସୃଷ୍ଟି ହୋଇଛି। ଗତ ୩ମାସ ତଳେ ଆଉଟ୍‌ ସୋର୍ସିଂ ଏଜେନ୍ସି ମାଧ୍ୟମରେ ଏହି କର୍ମଚାରୀମାନେ ଚୟନ ହୋଇଛନ୍ତି। ନିଯୁକ୍ତିକୁ ୩ ମାସ ନ ପୂରୁଣୁ କର୍ମଚାରୀଙ୍କ ଏପରି ଭକ୍ତଙ୍କ ଠାରୁ ଟଙ୍କା ଆଦାୟ କରି ଗଳା ବାଟରେ ପ୍ରବେଶ କରାଇବାକୁ ସାଧାରଣରେ କ୍ଷୋଭ ପ୍ରକାଶ ପାଇଛି। ଏନେଇ ଶ୍ରୀମନ୍ଦିର ମୁଖ୍ୟ ପ୍ରଶାସକଙ୍କୁ ଅବଗତ କରାଇବା ପରେ ଭକ୍ତଙ୍କ ଠାରୁ ହାତଗୁଞ୍ଜା ନେଇ ଛାଡୁଥିବା ସଂପୃକ୍ତ ଜେଟିପି ସ୍କ୍ବାଡ୍‌ କର୍ମଚାରୀଙ୍କୁ କାର୍ଯ୍ୟରୁ ନିଲମ୍ବନ ନିର୍ଦ୍ଦେଶ ଦେଇଛନ୍ତି