ଚନ୍ଦ୍ରଯାନ-୩ ସଫଳତା ପାଇଁ ଯଜ୍ଞ ଓ ନମାଜ ପାଠ…..

ରିପୋର୍ଟ କାର୍ଡ / ନୂଆଦିଲ୍ଲୀ

ଆଜି ଚନ୍ଦ୍ରଯାନ-୩ ଚନ୍ଦ୍ରପୃଷ୍ଠରେ ନରମ ଅବତରଣ କରିବାପାଇଁ ଲକ୍ଷ୍ୟ ଧାର୍ଯ୍ୟ ହୋଇଛି। ଦେଶରେ ବିଭିନ୍ନ ଅଂଶରେ ଲୋକମାନେ ଚନ୍ଦ୍ରଯାନ-୩ର ସଫଳତା ପାଇଁ ପ୍ରାର୍ଥନା କରିଛନ୍ତି। କିଛି ସ୍ଥାନରେ ଲୋକେ ଯଜ୍ଞ ଏବଂ ନମାଜ ପାଠ କରୁଛନ୍ତି | ଶିବସେନା ନେତା ଆନନ୍ଦ ଦୁବେ ଆଜି ମୁମ୍ବାଇର ଚନ୍ଦ୍ରମୌଲେଶ୍ବର ଶିବ ମନ୍ଦିରରେ ଏକ ଯଜ୍ଞ କରିଛନ୍ତି। ଅନ୍ୟପକ୍ଷେ ଉତ୍ତରପ୍ରଦେଶର ଲକ୍ଷ୍ନୌରେ ମୁସଲିମମାନେ ଚନ୍ଦ୍ରଯାନ-୩ର ସଫଳତା ପାଇଁ କାମନା କରି ନମାଜ ପାଠ କରିଛନ୍ତି। ଉତ୍ତରପ୍ରଦେଶର ଆଗ୍ରା ଏବଂ ବାରଣାସୀରେ ମଧ୍ୟ ଲୋକମାନେ ଚନ୍ଦ୍ରଯାନ-୩ର ସଫଳତା ପାଇଁ ଯଜ୍ଞ କରିଛନ୍ତି ଏବଂ କାମାକ୍ଷା ମନ୍ଦିରରେ ପୂଜାର୍ଚ୍ଚନା ହୋଇଛି।