ରିପୋର୍ଟ କାର୍ଡ / ନୂଆଦିଲ୍ଲୀ
ଚଳିତ ବର୍ଷ ସ୍ୱାଭାବିକ ରହିବ ମୌସୁମୀ ବର୍ଷା। ଏନେଇ ଭାରତୀୟ ପାଣିପାଗ ବିଭାଗ ପୂର୍ବାନୁମାନ କରିଛି। ଏ ସମ୍ପର୍କରେ ବିଜ୍ଞାନ, କାରିଗରୀ ବିଦ୍ୟା ଓ ପୃଥ୍ୱୀବିଜ୍ଞାନ ମନ୍ତ୍ରୀ ଡକ୍ଟର ହର୍ଷବର୍ଦ୍ଧନ କହିଛନ୍ତି, ଦକ୍ଷିଣ-ପଶ୍ଚିମ ମୌସୁମୀବାୟୁ ଦେଶରେ ଜୁନ୍ରୁ ସେପ୍ଟେମ୍ବର ମାସରେ ପ୍ରଭାବିତ ହୋଇଥାଏ | ଆଉ ଏହି ସମୟରେ ଚଳିତବର୍ଷ ଶତକଡା ୯୬ରୁ ୧୦୪ ଭାଗ ସ୍ୱାଭାବିକ ବୃଷ୍ଟିପାତ ହେବ ବୋଲି ଭାରତୀୟ ପାଣିପାଗ ବିଭାଗ ଆକଳନ କରିଛି। କେନ୍ଦ୍ର ମନ୍ତ୍ରୀ କହିଛନ୍ତି ଯେ ଚଳିତ ବର୍ଷ ଏକ ଉନ୍ନତ ତଥା ସର୍ବଭାରତୀୟ ସ୍ତରରେ ଗ୍ରହଣୀୟ ପୂର୍ବାନୁମାନ ପ୍ରଣାଳୀ ବ୍ୟବହୃତ ହୋଇଛି ଯେଉଁଥିରେ ବିଶ୍ୱର ବିଭିନ୍ନ ଜଳବାୟୁ ମଡେଲ୍ ଅନ୍ତର୍ଭୁକ୍ତ। ଚଳିତ ବର୍ଷ ମେ ମାସ ଶେଷ ସପ୍ତାହରେ ପାଣିପାଗ ବିଭାଗ ପୂର୍ବାନୁମାନ ଜାରି କରିବ। ତେବେ ସ୍ୱାଭାବିକଠାରୁ ଅଧିକ ବର୍ଷା ହେବାର ସମ୍ଭାବନା ମାତ୍ର ୨୧ ପ୍ରତିଶତ ବୋଲି ପାଣିପାଗ ବିଭାଗ କହିଛି। ୧୯୬୧ରୁ ୨୦୧୦ ମଧ୍ୟରେ ଦେଶର ମୌସୁମୀ ବାୟୁ ପ୍ରଭାବରେ ହୋଇଥିବା ବୃଷ୍ଟିପାତର ହାରକୁ ହିସାବକୁ ନେଇ ପାଣିପାଗ ବିଭାଗ ଏହି ହିସାବ କରିଥାଏ ଯାହା ଅନୁଯାୟୀ ମୌସୁମୀ ଋତୁରେ ୮୮୦ ମିଲିମିଟର ବା ୮୮ ସେଣ୍ଟିମିଟର ବର୍ଷା ହେଲେ ତାହାକୁ ଦୀର୍ଘକାଳୀନ ହାରାହାରି ହାରାହାରି କୁହାଯାଏ।
More Stories
ବର୍ଷା ବିତ୍ପାତ:ଶିକ୍ଷାନୁଷ୍ଠାନ ବନ୍ଦ, ଉଦ୍ଧାର କାର୍ଯ୍ୟରେ ସେନା ନିୟୋଜିତ……
ରାହୁଲଙ୍କ ସରକାରୀ ବାସଭବନ ପରିବର୍ତ୍ତନ…..
୨୫ତମ କାର୍ଗିଲ ବିଜୟ ଦିବସ: ସହିଦ ଯବାନଙ୍କୁ ଶ୍ରଦ୍ଧାଞ୍ଜଳି ଦେଲେ ପ୍ରଧାନମନ୍ତ୍ରୀ…..