କେନ୍ଦ୍ର ଉପରେ ବର୍ଷିଲେ ସୁପ୍ରିମକୋର୍ଟ…..

ରିପୋର୍ଟ କାର୍ଡ / ନୂଆଦିଲ୍ଲୀ

ଏକ ଅଦାଲତ ଅବମାନନା ଆବେଦନ ଉପରେ ଶୁଣାଣି କରି ସୁପ୍ରିମକୋର୍ଟ କେନ୍ଦ୍ର ସରକାରଙ୍କ ଉପରେ ବର୍ଷିଛନ୍ତି।କହିଛନ୍ତି ଯେଉଁ ରାଜ୍ୟଗୁଡ଼ିକରେ ଭାରତୀୟ ଜନତା ପାର୍ଟି ଶାସନ କରୁଛି, ସେହି ସରକାରଗୁଡ଼ିକ ବିରୋଧରେ କାହିଁକି ଆପଣ କାର୍ଯ୍ୟାନୁଷ୍ଠାନ ଗ୍ରହଣ କରୁ ନାହାନ୍ତି | ଅନ୍ୟ ରାଜ୍ୟ ସରକାରଙ୍କ ବିରୁଦ୍ଧରେ ଚରମ ଆଭିମୁଖ୍ୟ ଗ୍ରହଣ କରି ପାରୁଛନ୍ତି | କିନ୍ତୁ ଯେତେବେଳେ କଥା ଆପଣଙ୍କ ଦଳର ସରକାରର ଆସୁଛି କିଛି କରୁ ନାହାନ୍ତି।’ ନାଗାଲାଣ୍ଡରେ ପୌର ଓ ପଞ୍ଚାୟତ ନିର୍ବାଚନଗୁଡ଼ିକରେ ମହିଳାଙ୍କ ପାଇଁ ୩୩% ଆସନ ସଂରକ୍ଷିତ କରିବାକୁ ସୁପ୍ରିମକୋର୍ଟ ରାଜ୍ୟ ସରକାର ଓ ରାଜ୍ୟ ନିର୍ବାଚନ କମିଶନଙ୍କୁ ନିର୍ଦ୍ଦେଶ ଦେଇଥିଲେ। କିନ୍ତୁ ନାଗାଲାଣ୍ଡ ସରକାର ଓ ରାଜ୍ୟ ନିର୍ବାଚନ କମିଶନ ଏହି ନିର୍ଦ୍ଦେଶକୁ ଅବମାନନା କରିଥିବା ନେଇ ଏକ ଆବେଦନ ହୋଇଥିଲା। ଏହି ମାମଲାର ଶୁଣାଣି କରି ଜଷ୍ଟିସ ଏସ.କେ କୌଲ କହିଥିଲେ, ସଂରକ୍ଷଣ ଏକ ସକାରାତ୍ମକ କାର୍ଯ୍ୟାନୁଷ୍ଠାନ। ମହିଳା ସଂରକ୍ଷଣ ଏହା ଉପରେ ଆଧାରିତ। ଆପଣ କେମିତି ସାମ୍ବିଧାନିକ ବ୍ୟବସ୍ଥାର ବାହାରକୁ ଯାଇପାରିବେ, ମୁଁ ବୁଝିପାରୁ ନାହିଁ। ସେ ଆହୁରି ଉଲ୍ଲେଖ କରିଥିଲେ, ନାଗାଲାଣ୍ଡ ଏପରି ଏକ ରାଜ୍ୟ ଯେଉଁଠାରେ ମହିଳାଙ୍କ ଶିକ୍ଷା, ଅର୍ଥନୈତିକ ଏବଂ ସାମାଜିକ ସ୍ଥିତି ସର୍ବୋତ୍ତମ। ତେଣୁ ସେଠାରେ କାହିଁକି ମହିଳାଙ୍କ ସଂରକ୍ଷଣ କାର୍ଯ୍ୟକାରୀ ହୋଇପାରିବ ନାହିଁ। ପ୍ରକାଶ ଥାଉ କି, ଏହି ଶୁଣାଣି ସମୟରେ ବିଜେପି ଶାସିତ ମଣିପୁରରେ ଚାଲିଥିବା ହିଂସା ବାବଦରେ ମଧ୍ୟ ଉଲ୍ଲେଖ କରାଯାଇଥିଲା।