ପାକିସ୍ତାନରେ ଦ୍ୱିତୀୟ ଐଶ୍ଚର୍ଯ୍ୟା…..

ମୁମ୍ବାଇ: ସୋଶିଆଲ ମିଡିଆରେ ପ୍ରତିଦିନ କିଛି ନା କିଛି ନୂଆ ଘଟଣା ଭାଇରାଲ ହୁଏ । ତା’ ମଧ୍ୟରୁ ବଲିଉଡ ଷ୍ଟାରଙ୍କୁ ନେଇ ଅଧିକ ଚର୍ଚ୍ଚା । ନିକଟରେ ଚର୍ଚ୍ଚା ସାଉଁଟିଛନ୍ତି ଐଶ୍ଚର୍ଯ୍ୟା ରାୟ । ଏଭଳି ଏକ ଯୁବତୀଙ୍କ ଫଟୋ ଭାଇରାଲ ହେଉଛି ଯିଏ ଅବିକଳ ବଲିଉଡ ସୁନ୍ଦରୀ ଐଶ୍ଚର୍ଯ୍ୟାଙ୍କ ଭଳି ଦେଖା ଯାଉଛନ୍ତି । ଚଳିତ ଦିନରେ ପାକିସ୍ତାନର ବ୍ଲଗର ଆମନା ଇମ୍ରାନଙ୍କ ଇନଷ୍ଟାଗ୍ରାମ ଉପରେ ସମସ୍ତଙ୍କ ନଜର । ଏହାକୁ ନେଇ ଖୁବ୍ ଚର୍ଚ୍ଚା ଜାରି ରହିଛି । ଏହି ଯୁବତୀ ଦେଖିବାକୁ ଠିକ୍ ଐଶ୍ଚର୍ଯ୍ୟାଙ୍କ ଭଳି । ତେବେ ଏହା ଐଶ୍ଚର୍ଯ୍ୟାଙ୍କ ପାଇଁ କିଛି ନୂଆ ନୁହେଁ। କାରଣ ପୂର୍ବରୁ ସ୍ନେହା ଉଲାଲ ଐଶ୍ଚର୍ଯ୍ୟାଙ୍କ ଭଳି ଦେଖାଯାଉଥିବା କୁହାଯାଉଥିଲା ଏବଂ ଏହାକୁ ନେଇ ଖୁବ୍ ଚର୍ଚ୍ଚା ମଧ୍ୟ ହେଉଥିଲା। ସବୁଠାରୁ ଖାସ୍ କଥା ହେଉଛି ଆମନାଙ୍କ ଇନଷ୍ଟାଗ୍ରାମ ଆକାଉନ୍ଟର ଫଟୋ ଓ ଭିଡିଓ ଦେଖିଲେ ଜଣାପଡୁଛି ସେ ଐଶ୍ଚର୍ଯ୍ୟାଙ୍କୁ କପି କରୁଛନ୍ତି । କେହି କେହି ତ ତାଙ୍କ ଫଟୋ ଦେଖିବା ପରେ ଧୋକା ପାଇଛନ୍ତି । ଅନେକ ତାଙ୍କର କିଛି ଫଟୋ ଦେଖି ତାଙ୍କୁ ଐଶ୍ଚର୍ଯ୍ୟା ଭାବି ନେଇଛନ୍ତି । ତେବେ ଅଢ଼େଇ ହଜାର ଫ୍ୟାନ ଫଲୋଇଙ୍ଗ ଥିବା ଆମନାଙ୍କ ଫ୍ୟାନ ଏବେ ଖୁବ୍ ବଢ଼ିବାରେ ଲାଗିଛନ୍ତି ।