ମୁଖ୍ୟମନ୍ତ୍ରୀଙ୍କୁ ଗାଡି ଛଡାଇ ହତ୍ୟା ଉଦ୍ୟମ…..

ରିପୋର୍ଟ କାର୍ଡ / ନୂଆଦିଲ୍ଲୀ

ତ୍ରିପୁରା ମୁଖ୍ୟମନ୍ତ୍ରୀ ବିପ୍ଲବ କୁମାର ଦେବଙ୍କୁ ଗାଡି ଛଡାଇ ହତ୍ୟା ଉଦ୍ୟମ ଅଭିଯୋଗ | ଶନିବାର ଏହି ମାମଲାରେ ୩ ଜଣକୁ ପୋଲିସ ଗିରଫ କରିଛି | ପୋଲିସର ସୂଚନାନୁସାରେ, ଏହି ତିନିଜଣ ଗୁରୁବାର ଦିନ ଶ୍ୟାମପ୍ରସାଦ ମୁଖାର୍ଜୀ ଲେନ୍‌ରେ ଥିବା ତାଙ୍କ ସରକାରୀ ବାସଭବନ ନିକଟରେ ସନ୍ଧ୍ୟାରେ ଚାଲିବା ପାଇଁ ବାହାରକୁ ଯିବାବେଳେ ମୁଖ୍ୟମନ୍ତ୍ରୀଙ୍କ ସୁରକ୍ଷା କର୍ଡନ ଦେଇ ଏକ କାର ଚଳାଇଥିଲେ।ଗାଡିଟି ତାଙ୍କ ପାଖକୁ ଯିବାବେଳେ ବିପ୍ଲବ ଦେବ ଅନ୍ୟ ଏକ ପାର୍ଶ୍ୱକୁ ଡେଇଁପଡ଼ିଥିଲେ। ଯାହା ଫଳରେ ସେ ଦୁର୍ଘଟଣାରୁ ଅଳ୍ପକେ ବର୍ତ୍ତି ଯାଇଥିଲେ। କିନ୍ତୁ ତାଙ୍କର ଜଣେ ସୁରକ୍ଷା କର୍ମୀ ସାମାନ୍ୟ ଆହତ ହୋଇଥିଲେ। ରିପୋର୍ଟ ଅନୁଯାୟୀ ମୁଖ୍ୟମନ୍ତ୍ରୀଙ୍କ ସୁରକ୍ଷା କର୍ମୀ କାରଟିକୁ ଅଟକାଇବାକୁ ଚେଷ୍ଟା କରିଥିଲା ​​କିନ୍ତୁ ବିଫଳ ହୋଇଥିଲେ। ଏହାପରେ ପୋଲିସ କାର୍‌ଟିର ପିଛା କରିବା ସହ କିଛି ଦୂରରେ ‌ଅଟକାଇବାରେ ସଫଳ ହୋଇଥିଲା। ଜବତ ହୋଇଥିବା ଗାଡିରୁ ତିନି ଜଣ ଯୁବକଙ୍କୁ ଗିରଫ କରିଯାଇଥିଲା। ଅଭିଯୁକ୍ତମାନେ ହେଲେ କାଶାରୀ ପାଟିର ବାସିନ୍ଦା ଶୁଭମ ସାହା(୨୭), ରାମଥକୁର ସାଙ୍ଗାର ଅମନ ଶାହା (୨୫) ଏବଂ ରବୀନ୍ଦ୍ରପାଲି ଆପାର୍ଟମେଣ୍ଟର ବାସିନ୍ଦା ଗ ଗୈରିକ ଘୋଷ (୨୪) ବୋଲି ପୋଲିସ କହିଛି। ତେବେ ହତ୍ୟା ମୁଖ୍ୟମନ୍ତ୍ରୀଙ୍କୁ ହତ୍ୟା ଉଦ୍ୟମ ପଛର କାରଣ ଏପର୍ଯ୍ୟନ୍ତ ଜଣାପଡି ନାହିଁ ବୋଲି ପୋଲିସ କହିଛି। ଅଭିଯୁକ୍ତମାନଙ୍କୁ ପୋଲିସ ଜେରା କରିବା ସହ ଘଟଣାର ତଦନ୍ତ ଚାଲିଛି।