ମଦ୍ୟପ ଜ୍ୱାଇଁ ର ମାଡ଼ ରେ ସ୍ତ୍ରୀ ଶଳା ଓ ଶଳା ଭାଉଜ ଘାଇଲା…..

ରିପୋର୍ଟ କାର୍ଡ /ବାଲିଅନ୍ତା/ପୀତବାସ ଦାଶ

ମଙ୍ଗଳବାର ପାହାଳ ଥାନା ଅନ୍ତର୍ଗତ ଅଟଳା ଗଡ଼ା ରେ ଘଟିଛି ଏକ ଅଭାବନୀୟ ଘଟଣା। ଶଶୁର ଘରକୁ ଜ୍ୱାଇଁ ମୁନା ମହାପାତ୍ର (୩୩) ମଦ ପିଇ ଯାଇଥିଲା। ସେଠାକୁ ଯାଇ ଅଶଭ୍ୟ ଭାଷାରେ ଗାଳିଗୁଲଜ କରି ତା ସ୍ତ୍ରୀ ଲିଜା ମହାପାତ୍ର (୨୮) କୁ ମାଡ଼ ମାରିଥିଲା। ଶଳା ଭାଉଜ ବାସନ୍ତୀ ଜେନା ଓ ଶାଶୁ ହୁଲାସ ଜେନା (୫୫) ପ୍ରତିବାଦ କରିବାରୁ ଉଭୟ ଶାଶୁ ଓ ଶଳା ଭାଉଜ ଙ୍କୁ ଧକ୍କା ଦେଇଥିଲା ଜ୍ୱାଇଁ। ଖବର ପାଇ ଶଶୁର ଗୟାଧର ଜେନା (୬୦)ଓ ଶଳା ତପନ ଜେନା (୩୫) ଅଟଳା ରାସ୍ତା କଡ଼ ରେ ଥିବା ମନୋହରୀ ଦୋକାନ ବନ୍ଦ୍ କରି ଘରକୁ ଯାଇଥିଲେ। ଶଶୁର ଗୟାଧର ଓ ଶଳା ତପନ ପ୍ରତିବାଦ କରିବାରୁ ପାଖରେ ଥିବା ଫୁଲ କୁଣ୍ଡ ଧରି ଜ୍ୱାଇଁ ସମସ୍ତ ଙ୍କୁ ମାରିବା ଆରମ୍ଭ କରିଦେଲେ। ଫଳରେ ସମସ୍ତେ ଏକାଠି ହୋଇ ଜ୍ୱାଇଁ କୁ ସେ ଘରେ ବନ୍ଦ୍ କରି ପିସିଆର୍ କୁ ଖବର ଦେଇଥିଲେ। ପିସିଆର୍ ଘଟଣା ସ୍ଥଳରେ ପହଞ୍ଚି ଜ୍ୱାଇଁ ରହିଥିବା ଘର କବାଟ ଖୋଲି ସମସ୍ତଙ୍କୁ ଥାନା କୁ ଯିବା ପାଇଁ କହି ଘଟଣା ସ୍ଥଳରୁ ପଳାଇଥିଲେ। ଫଳରେ ପୁନର୍ବାର ଜ୍ୱାଇଁ ତା ସ୍ତ୍ରୀ କୁ ମାଡ଼ ମାରିବାରୁ ସାହି ପଡ଼ିଶାଘର ଲୋକ ଘଟଣା ସ୍ଥଳରେ ପହଞ୍ଚି ଯିବାରୁ ଜ୍ୱାଇଁ ସେଠାରୁ ଖସି ପଳାଇ ଥିଲା। ପରିବାର ର ସମସ୍ତ ସଦସ୍ୟ ପାଖରେ ଥିବା ସମ୍ ହସ୍ପିଟାଲ ଯାଇ ଚିକିତ୍ସିତ ହେବା ପରେ ପାହାଳ ଥାନା ରେ ଲିଖିତ ଅଭିଯୋଗ କରିଥିଲେ। ପାହାଳ ଥାନା ପୋଲିସ୍ ଅଭିଯୋଗ ପାଇବା ପରେ ଅଭିଯୁକ୍ତ ମୁନା ମହାପାତ୍ର କୁ ଧରିବା ପାଇଁ ବିଭିନ୍ନ ସ୍ଥାନରେ ଚଢ଼ାଉ କରୁଥିବା ର ସୂଚନା ମିଳିଛି।