୭୦ ଫୁଟ୍‌ ଗଭୀର ବୋର୍‌ୱେଲ୍‌ରେ ଫସିଛନ୍ତି ଶ୍ରମିକ…..

ରିପୋର୍ଟ କାର୍ଡ / ନୂଆଦିଲ୍ଲୀ

ପଞ୍ଜାବର ଜଳନ୍ଧର ଜିଲ୍ଲାରେ ଜଣେ ଶ୍ରମିକ ୭୦ ଫୁଟ୍‌ ଗଭୀର ବୋର୍‌ୱେଲ୍‌ ଭିତରେ ଫସି ରହିଥିବା ବେଳେ ଉଦ୍ଧାର କାର୍ଯ୍ୟ ଜାରିରହିଛି | ଏନେଇ ଆଜି ସରକାରୀ ଅଧିକାରୀମାନେ ସୂଚନା ଦେଇଛନ୍ତି । ଶନିବାର ସନ୍ଧ୍ୟା ବେଳେ ଘଟଣାଟି କର୍ତାରପୁର ନିକଟରେ ଘଟିଛି। ବୋର୍‌ୱେଲ୍‌ ଭିତରେ ଲାଖି ଯାଇଥିବା ବୋରିଙ୍ଗ୍‌ ମେସିନ୍‌ର କିଛି ଅଂଶକୁ ବାହାର କରିବା ଲାଗି ସୁରେଶ ଓ ଅନ୍ୟ ଶ୍ରମିକମାନେ ଉକ୍ତ ବୋର୍‌ୱେଲ୍‌ ଭିତରେ ପଶିଥିଲେ। ଅନ୍ୟ ଶ୍ରମିକମାନେ ପଳାଇ ଆସିବାକୁ ସମର୍ଥ ହୋଇଥିବା ବେଳେ ସୁରେଶଙ୍କ ଉପରେ ବାଲି ପଡ଼ିଯିବାରୁ ସେ ବୋର୍‌ୱେଲ୍‌ ଭିତରେ ଫସିଯାଇଛନ୍ତି। ସୁରେଶଙ୍କୁ ଉଦ୍ଧାର କରିବା ଲାଗି ଜିଲ୍ଲା ପ୍ରଶାସନ ଓ ଜାତୀୟ ବିପର୍ଯ୍ୟୟ ପ୍ରଶମନ ବଳ ଅଭିଯାନ ଜାରି ରଖିଛନ୍ତି।