ବିଜେପିରେ ଯୋଗଦେଲେ ଅରୁଣ ଗୋଭିଲ…..

ରିପୋର୍ଟ କାର୍ଡ / ନୂଆଦିଲ୍ଲୀ

ଲୋକପ୍ରିୟ ଟେଲିଭିଜନ ଧାରାବାହିକରେ ଭଗବାନ ରାମ ଭୂମିକାରେ ଅଭିନୟ କରିଥିବା ଅରୁଣ ଗୋଭିଲ ବିଜେପିରେ ଯୋଗ ଦେଇଛନ୍ତି । ଆଜି ନୂଆଦିଲ୍ଲୀଠାରେ ଥିବା ବିଜେପି କାର୍ଯ୍ୟାଳୟଠାରେ ସେ ଦଳରେ ଯୋଗ ଦେଇଛନ୍ତି । ବିଜେପି ମହାସଚିବ ଅରୁଣ ସିଂ ଓ ଅନ୍ୟ କେତେକ ବରିଷ୍ଠ ନେତାଙ୍କ ଉପସ୍ଥିତିରେସେ ପଦ୍ମ ଧରିଛନ୍ତି | ଆଗକୁ ୪ଟି ରାଜ୍ୟ ଓ ପଣ୍ଡିଚେରୀରେ ବିଧାନସଭା ନିର୍ବାଚନ ଥିବାରୁ ତାଙ୍କୁ ବିଜେପି ନିର୍ବାଚନ ପ୍ରଚାରରେ ନିୟୋଜିତ କରିବାର ଚର୍ଚ୍ଚା ହେଉଛି । ଅରୁଣ ଅଶୀ ଦଶକର ଶେଷ ଭାଗରେ ଦୂରଦର୍ଶନରେ ପ୍ରସାରିତ ‘ରାମାୟଣ’ ଧାରାବାହିକୀରେ ରାମ ଭୂମିକାରେ ଅଭିନୟ ତାଙ୍କୁ ଭାରତର ଘରେ ଘରେ ପରିଚିତ କରାଇଥିଲା । କେବଳ ଭାରତ ନୁହେଁ ସାରା ବିଶ୍ବରେ ସେ ଲୋକପ୍ରିୟ ହୋଇଯାଇଥିଲେ । ରାମାୟଣରେ ଅଭିନୟ କରିବା ପୂର୍ବରୁ ସେ ଲୋକପ୍ରିୟ ଧାରାବାହିକୀ ‘ବିକ୍ରମ ବେତାଳ’ରେ ରାଜା ବିକ୍ରମାଦିତ୍ୟ ଭାବେ ମଧ୍ୟ ଅଭିନୟ କରିଥିଲେ। ଗତ ବର୍ଷ ଦେଶରେ ଲକଡାଉନ ଘୋଷଣା ବେଳେ ଦୂରଦର୍ଶନରେ ପୁଣିଥରେ ରାମାୟଣ ପ୍ରସାରିତ ହୋଇ ଅଭୁତପୂର୍ବ ଲୋକପ୍ରିୟତା ହାସଲ କରିଥିଲା ।