ବିଜେପି ମାନସିକ ଅବସାଦରେ,ଜୁନ୍ ୪ରେ ଆମେ ସରକାର ଗଠନ କରିବୁ…..

ରିପୋର୍ଟ କାର୍ଡ / ନୂଆଦିଲ୍ଲୀ

ଆରଜେଡି ନେତା ତେଜସ୍ୱୀ ଯାଦବ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ବିହାର ଗସ୍ତକୁ ନେଇ କଡ଼ା ସମାଲୋଚନା କରିଛନ୍ତି। ସେ କହିଛନ୍ତି ଯେ ବିଜେପି ନେତାମାନେ ମାନସିକ ଅବସାଦଗ୍ରସ୍ତ ହେଲେଣି । ଏହାର କାରଣ ହେଉଛି ଜୁନ୍ ୪ରେ ଇଣ୍ଡିଆ ଏକ ମେଣ୍ଟ ସରକାର ଗଠନ କରିବ। ଗଣମାଧ୍ୟମକୁ ସୂଚନା ଦେଇ ତେଜସ୍ୱୀ ଯାଦବ କହିଛନ୍ତି, ମୋଦୀ ଜୀ ଏଠାକୁ ଆସିବା ଏକ ଭଲ କଥା। ସେ ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏବଂ ରୁଷିଆର ରାଷ୍ଟ୍ରପତି ଭ୍ଲାଦିମିର ପୁଟିନକୁ ମଧ୍ୟ ନିମନ୍ତ୍ରଣ ମଧ୍ୟ କରି ପାରିଥାନ୍ତେ। ତେଜସ୍ୱୀ ଏମ୍ସ ପ୍ରସଙ୍ଗରେ ପ୍ରଧାନମନ୍ତ୍ରୀଙ୍କୁ ସମାଲୋଚନା କରି କହିଛନ୍ତି ଯେତେବେଳେ ପ୍ରଧାନମନ୍ତ୍ରୀ ଆସିଥିଲେ ସେତେବେଳେ ସେ ତାଙ୍କ ଅଭିଭାଷଣରେ କହିଥିଲେ ଏମ୍ସ ଆରମ୍ଭ ହୋଇସାରିଛି। ପ୍ରଧାନମନ୍ତ୍ରୀ ଯାଇ ସେଠାକାର ସ୍ଥିତି ଦେଖିବା ଉଚିତ୍। ସେଠି କ’ଣ କାମ ହୋଇଛି ତାହା ତଦାରଖ କରିବା ଆବଶ୍ୟକ। ପ୍ରଧାନମନ୍ତ୍ରୀଙ୍କୁ ଏନଡିଏ ସାଂସଦଙ୍କ ଦ୍ୱାରା ଦରଭଙ୍ଗା, ଝଝାଂରପୁର, ମଧୁବାଣୀରେ କରାଯାଇଥିବା କାର୍ଯ୍ୟ ବିଷୟରେ ମତାମତ ଦେବାର ଆବଶ୍ୟକତା ରହିଛି। ସେ କହିଛନ୍ତି, ଯଦି ମୋଦୀ ଜୀ ଆସୁଛନ୍ତି, ତେବେ ସେ ଏହି ଅଞ୍ଚଳରେ ୧୫ ବର୍ଷ ଧରି କ୍ଷମତାରେ ଥିବା ଦରଭଙ୍ଗା, ଝଝାଂରପୁର, ମଧୁବାଣୀ ସାଂସଦଙ୍କ ଦ୍ୱାରା କରାଯାଇଥିବା କାର୍ଯ୍ୟ ବିଷୟରେ ଆଲୋଚନା କରିବା ଜରୁରୀ । ପିଏମ ମୋଦୀ ଯୁବବର୍ଗମାନଙ୍କଠାରୁ ଚାକିରି ଛଡ଼ାଇ ନେଇଥିବା ସେ ଅଭିଯୋଗ କରିଛନ୍ତି। ସେ କହିଛନ୍ତି, ମୋଦୀ ଦେଶର ୬୦ ପ୍ରତିଶତ ଯୁବବର୍ଗଙ୍କଠାରୁ ଚାକିରୀ ଛଡ଼ାଇ ନେଇଛନ୍ତି। ଗତ ୧୦ ବର୍ଷ ମଧ୍ୟରେ ସେମାନେ କରିଥିବା କାର୍ଯ୍ୟ ବିଷୟରେ ଆଲୋଚନା କରିବା ଉଚିତ୍। ସେମାନେ ବିହାରକୁ ଏପର୍ଯ୍ୟନ୍ତ କାହିଁକି ସ୍ବତନ୍ତ୍ର ରାଜ୍ୟର ମାନ୍ୟତା ଦେଇନାହାନ୍ତି ସେ ବିଷୟରେ ଆଲୋଚନା କରିବା ଉଚିତ୍। ଛପ୍ରା, ମୋତୋହରୀ ଏବଂ ନୱାଦାର ଚିନି ମିଲ ଖୋଲିବା ଉଚିତ୍ ଥିଲା, କିନ୍ତୁ ଏହା ଏପର୍ଯ୍ୟନ୍ତ ହୋଇନାହିଁ। ନା ଝୋଟ ମିଲ ଖୋଲିଛି ନା ଚିନି ମିଲ ଖୋଲିଛି। ମୋଦୀ କେବଳ ବିହାର ଲୋକମାନଙ୍କ ସହିତ ବିଶ୍ୱାସଘାତକତା କରିଛନ୍ତି।