ଟ୍ରାକ୍ଟର ଓଲଟି, ୨ ମୃତ୍ୟୁ…..

ରିପୋର୍ଟ କାର୍ଡ / ‌ମୟୂରଭଞ୍ଜ

ଟ୍ରାକ୍ଟର ଓଲଟି ପଡିବାରୁ ୨ ଜଣଙ୍କର ମୃତ୍ୟୁ ହୋଇଛି | ଏଭଳି ଅଭାବନୀୟ ଘଟଣା ଘଟିଛି ମୟୂରଭଞ୍ଜ ଜିଲ୍ଲା ବାଦାମପାହାଡ଼ ଥାନା ଅଞ୍ଚଳରେ | ଏକ ଟ୍ରାକ୍ଟର ଓଲଟିବାରୁ ୨ଜଣଙ୍କ ମୃତ୍ୟୁ ଘଟିଥିବା ବେଳେ ୩ ଗୁରୁତର ହୋଇଛନ୍ତି। ସୂଚନା ଅନୁଯାୟୀ ଆଜି ସକାଳେ ମହିଳାମାନେ ଟ୍ରାକ୍ଟର ଡଲାରେ ବସି କାମ କରିବାକୁ ଯାଉଥିଲେ। ଏହି ସମୟରେ ପୂର୍ଣ୍ଣିଆ ଗାଁ ନିକଟରେ ଟ୍ରାକ୍ଟରଟି ଭାରସାମ୍ୟ ହରାଇ ଓଲଟି ପଡ଼ିଥିଲା। ଟ୍ରାକ୍ଟର ଡଲାରେ ବସିଥିବା ମହିଳାମାନେ ଚାପି ହୋଇଯାଇଥିଲେ। ଘଟଣାସ୍ଥଳରେ ଦୁଇ ମହିଳାଙ୍କର ମୃତ୍ୟୁ ଘଟିଥିବା ବେଳେ ୩ଜଣ ଗୁରୁତର ହୋଇଥିଲେ। ଆହତଙ୍କୁ ସ୍ଥାନୀୟ ଲୋକ ଡାକ୍ତରଖାନାରେ ଭର୍ତ୍ତି କରିଥିଲେ। ଟ୍ରାକ୍ଟରରେ ଡ୍ରାଇଭର ସହ ୫ ଜଣ ମହିଳା ଥିଲେ ବୋଲି ଜଣା ପଡିଛି |