ରିପୋର୍ଟ କାର୍ଡ / ଭୁବନେଶ୍ବର
ଓଡ଼ିଶାର ରେଲୱେ ଭିତ୍ତିଭୂମିକୁ ଆହୁରି ସୁଦୃଢ଼ କରିବା ଦିଗରେ କେନ୍ଦ୍ର ସରକାରଙ୍କ ପକ୍ଷରୁ ବଡ଼ ପଦକ୍ଷେପ ନିଆଯାଇଛି। କଟକ-ପାରାଦୀପ ତୃତୀୟ ଓ ଚତୁର୍ଥ ଲାଇନ୍, ଭଦ୍ରକ-ହରିଦାସପୁର ଚତୁର୍ଥ ଲାଇନ୍ ଏବଂ ଖଡ଼ଗପୁର-ଭଦ୍ରକ (ରାଣୀତାଲ) ଚତୁର୍ଥ ଲାଇନ୍ ପ୍ରକଳ୍ପକୁ କ୍ୟାବିନେଟ୍ ମଞ୍ଜୁରୀ ମିଳିଛି। କଟକ-ପାରାଦୀପ ମଧ୍ୟରେ ୭୨ କିଲୋମିଟର ରେଲପଥରେ ତୃତୀୟ ଓ ଚତୁର୍ଥ ଲାଇନ୍ ନିର୍ମାଣ କରାଯିବ। ଏଥିପାଇଁ ପ୍ରାୟ ୨,୨୮୬ କୋଟି ଟଙ୍କା ବ୍ୟୟ ହେବ। ଏହି ପ୍ରକଳ୍ପ ଦ୍ୱାରା ପାରାଦୀପ ବନ୍ଦର ସହ ରେଲ ଯୋଗାଯୋଗ ଓ ମାଲ ପରିବହନ କ୍ଷମତା ବୃଦ୍ଧି ପାଇବାର ଆଶା ରହିଛି।ଭଦ୍ରକ-ହରିଦାସପୁର ମଧ୍ୟରେ ୭୫ କିଲୋମିଟର ରେଲପଥରେ ଚତୁର୍ଥ ଲାଇନ୍ ନିର୍ମାଣ ପାଇଁ ମଧ୍ୟ ମଞ୍ଜୁରୀ ମିଳିଛି। ଏହି ପ୍ରକଳ୍ପରେ ପ୍ରାୟ ୧,୫୮୩ କୋଟି ଟଙ୍କା ବ୍ୟୟ କରାଯାଇଛି। ସେହିପରି ଖଡ଼ଗପୁର-ଭଦ୍ରକ (ରାଣୀତାଲ) ମଧ୍ୟରେ ୧୭୩ କିଲୋମିଟର ରେଲପଥରେ ଚତୁର୍ଥ ଲାଇନ୍ ନିର୍ମାଣକୁ ମଞ୍ଜୁରୀ ଦିଆଯାଇଛି। ଏଥିପାଇଁ ପ୍ରାୟ ୩,୩୫୨ କୋଟି ଟଙ୍କା ଅଟକଳ କରାଯାଇଛି।ଏହି ତିନିଟି ପ୍ରକଳ୍ପ ଦ୍ୱାରା ଓଡ଼ିଶାର ରେଲୱେ ବିକାଶର ନୂଆ ପ୍ରଗତି ଆଣିବା ସହ ଯାତ୍ରୀ ଓ ମାଲ ପରିବହନ କ୍ଷମତା ବଢ଼ାଇବ। ବିଶେଷକରି ବନ୍ଦର, ଶିଳ୍ପାଞ୍ଚଳ ଓ ଉତ୍ତର-ଦକ୍ଷିଣ ରେଲ କରିଡରରେ ଏହାର ପ୍ରଭାବ ପଡ଼ିବ ବୋଲି ଆଶା କରାଯାଉଛି। ତିନି ପ୍ରକଳ୍ପର ମୋଟ ପ୍ରସ୍ତାବିତ ଖର୍ଚ୍ଚ ପ୍ରାୟ ୭,୨୨୧ କୋଟି ଟଙ୍କା।






More Stories
ବାତ୍ୟା ଲ୍ୟାଣ୍ଡଫଲ୍ ପରେ ସ୍ଥିତି ସମୀକ୍ଷା କଲେ ମୁଖ୍ୟ ଶାସନ ସଚିବ…..
ଫେବ୍ରୁଆରୀ ୧୬ରୁ ଆରମ୍ଭ ହେବ ଯୁକ୍ତ ୨ ପରୀକ୍ଷା…..
‘ଅକୱାନ’ର ମୁକାବିଲା ପାଇଁ ରାଜ୍ୟ ପ୍ରଶାସନ ସମ୍ପୂର୍ଣ୍ଣ ପ୍ରସ୍ତୁତ……