ହର୍ମୁଜ୍ ଖୋଲିବା ଆମର ପ୍ରାଥମିକତା…..

ରିପୋର୍ଟ କାର୍ଡ / ନୂଆଦିଲ୍ଲୀ

ପଶ୍ଚିମ ଏସିଆରେ ଚାଲିଥିବା ଉତ୍ତେଜନା ଯୋଗୁଁଁ, ଇରାନ ଦୀର୍ଘ ଦିନ ଧରି ହର୍ମୁଜ୍ ପ୍ରଣାଳୀକୁ ବନ୍ଦ କରି ରଖିଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି, ମେ ୧୫ ତାରିଖରୁ ପାଞ୍ଚଟି ରାଷ୍ଟ୍ର ଗସ୍ତରେ ବାହାରିଛନ୍ତି। ୟୁଏଇରୁ ପ୍ରଧାନମନ୍ତ୍ରୀ ବିଶ୍ୱକୁ ଶାନ୍ତିର ବାର୍ତ୍ତା ଦେଇଛନ୍ତି। ପ୍ରଧାନମନ୍ତ୍ରୀ ମୋଦୀ କହିଛନ୍ତି, “ହର୍ମୁଜ୍ ପ୍ରଣାଳୀକୁ ଖୋଲିବା ଆମର ପ୍ରାଥମିକତା।” ପ୍ରଧାନମନ୍ତ୍ରୀ ମୋଦୀଙ୍କ ଗସ୍ତ ସମୟରେ, ଭାରତ ଏବଂ ୟୁଏଇ ପ୍ରତିରକ୍ଷା, ଶକ୍ତି ଏବଂ ନିବେଶ କ୍ଷେତ୍ରରେ ଏକ ଡଜନରୁ ଅଧିକ ବୁଝାମଣାପତ୍ର (ଏମଓୟୁ) ଉପରେ ସହମତ ହୋଇଥିଲେ। ଦୁଇ ଦେଶ ସେମାନଙ୍କର ରଣନୈତିକ ସହଭାଗୀତାକୁ ସୁଦୃଢ଼ କରିବା ପାଇଁ ଅନେକ ଗୁରୁତ୍ୱପୂର୍ଣ୍ଣ ଘୋଷଣା କରିଥିଲେ।
ଉଭୟ ପକ୍ଷ ରଣନୈତିକ ପ୍ରତିରକ୍ଷା ସହଭାଗୀତା ପାଇଁ ଏକ ଢାଞ୍ଚା ଉପରେ ମଧ୍ୟ ସହମତ ହୋଇଥିଲେ, ଯାହା ପ୍ରତିରକ୍ଷା ସହଯୋଗ, ସାମରିକ ତାଲିମ ଏବଂ ପ୍ରଯୁକ୍ତିବିଦ୍ୟା ସହଯୋଗକୁ ପ୍ରୋତ୍ସାହିତ କରିବ। ମୋଟ ୫ ବିଲିୟନ ଆମେରିକୀୟ ଡଲାରର ନିବେଶ ଘୋଷଣା କରାଯାଇଥିଲା। ଏହି ପରିମାଣ ଭାରତୀୟ ଭିତ୍ତିଭୂମି, ଆରବିଏଲ ବ୍ୟାଙ୍କ ଏବଂ ସମ୍ମାନ କ୍ୟାପିଟାଲରେ ନିବେଶ ଆକାରରେ ପ୍ରଦାନ କରାଯିବ।