ପୁଣି ଭୁବନେଶ୍ୱରେ ହାଟ ସ୍ଥାନାନ୍ତର ପ୍ରକ୍ରିୟା ଆରମ୍ଭ…..

ରିପୋର୍ଟ କାର୍ଡ / ଭୁବନେଶ୍ୱର

ରାଜଧାନୀ ଭୁବନେଶ୍ୱରରେ କରୋନା ସ୍ଥିତି ଗମ୍ଭୀର ହୋଇଛି। ଦୈନିକ ସଂକ୍ରମଣ ବଢ଼ିବାରେ ଲାଗିଛି | ଏହାକୁ ଦୃଷ୍ଟିରେ ରଖି ବିଏମସି ପକ୍ଷରୁ ପୂର୍ବ ବର୍ଷ ଭଳି ହାଟ ଗୁଡ଼ିକୁ ସ୍ଥାନାନ୍ତର ପ୍ରକ୍ରିୟା ଆରମ୍ଭ ହୋଇଯାଇଛି। ରାଜଧାନୀର ଜନଗହଳିପୂର୍ଣ୍ଣ ସ୍ଥାନମାନଙ୍କ ମଧ୍ୟରୁ ହାଟ ହେଉଛି ଅନ୍ୟତମ। ସୋମବାରଠାରୁ ୟୁନିଟ-୧ ହାଟ ୟୁନିଟ-୧ ହାଇସ୍କୁଲ ପଡ଼ିଆକୁ ସ୍ଥାନାନ୍ତରିତ ହେବ। ସେହିଭଳି ବ୍ରହ୍ମେଶ୍ୱର ହାଟ ବ୍ରହ୍ମେଶ୍ୱର ମେଳଣ ପଡ଼ିଆକୁ ସ୍ଥାନାନ୍ତର ହେବ। ଲିଙ୍ଗରାଜ ହାଟ ବିଏମସି ମାର୍କେଟ କମ୍ପ୍ଲେକ୍ସକୁ ଉଠିଯିବ ବୋଲି ବିଏମସି ପକ୍ଷରୁ ସ୍ଥିର ହୋଇଛି । ତେବେ ଗୁରୁବାର ଦିନ ୟୁନିଟ-୪ ହାଟ ଶାସ୍ତ୍ରୀ ନଗର ଓ ରେଡକ୍ରସ ସମ୍ମୁଖ ରାସ୍ତାକୁ ଉଠିସାରିଛି। ଗତ ବର୍ଷ ମଧ୍ୟ ଏଭଳି ନିଷ୍ପତି ନିଆଯାଇଥିଲା। ହାଟ ଗୁଡ଼ିକୁ ଖୋଲା ସ୍ଥାନକୁ ସ୍ଥାନାନ୍ତର କରାଗଲେ ଗୋଟିଏ ସ୍ଥାନରେ ଲୋକଙ୍କ ଭିଡ଼ କମ୍ ରହିବ। ଯାହା ଫଳରେ ସଂକ୍ରମଣ ଆଶଙ୍କା କମିବ ବୋଲି ଆଶା କରାଯାଉଛି।