ପୁଣି ଏକ ସପ୍ତାହ ବଢ଼ିଲା ଲକ ଡାଉନ…..

ରିପୋର୍ଟ କାର୍ଡ / ନୂଆଦିଲ୍ଲୀ

ରାଜଧାନୀ ଦିଲ୍ଲୀରେ କରୋନା ଭାଇରସ ସଂକ୍ରମଣ ହ୍ରାସ ପାଉଥିବା ଦେଖିବାକୁ ମିଳିଛି । ଏଥି ସହିତ କରୋନା ଜନିତ ମୃତ୍ୟୁ ସଂଖ୍ୟା ହ୍ରାସପାଉଛି | ତଥାପି ବିପଦ ଏବେ ବି ରହିଛି । ତେଣୁ ଦିଲ୍ଲୀ ସରକାର ଆଉ ୧ ସପ୍ତାହ ରାଜ୍ୟରେ ଲକ ଡାଉନ ଘୋଷଣା କରିଛନ୍ତି । ବର୍ତ୍ତମାନ ଦିଲ୍ଲୀରେ ମେ ୩୧ ସକାଳ ୫ଟା ପର୍ଯ୍ୟନ୍ତ ତାଲାବନ୍ଦ ଲାଗୁ ରହିବ । ସୂଚନା ଯୋଗ୍ୟକି ୧୮ ଏପ୍ରିଲରୁ ଦିଲ୍ଲୀରେ ଆରମ୍ଭ ହୋଇଥିବା ଏହି ଲକଡାଉନ୍ ମେ ୨୪ରେ ଶେଷ ହେବାକୁ ଯାଉଛି | ଏହାପୂର୍ବରୁ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଆଉ ଏକ ସପ୍ତାହ ଲକ ଡାଉନ ବୃଦ୍ଧି କରିବାକୁ ଘୋଷଣା କରିଛନ୍ତି । ଯଦିଓ ଆଜି କରୋନାର ଏହି ତରଙ୍ଗରେ ଦୁର୍ବଳ ଦେଖାଯାଉଛି। ଗତ ୨୪ ଘଣ୍ଟା ମଧ୍ୟରେ ଦିଲ୍ଲୀରେ ସଂକ୍ରମଣ ହାର ୨.୫ ପ୍ରତିଶତ ହ୍ରାସପାଇଛି ଏବଂ ଏହି ସମୟ ମଧ୍ୟରେ ଦିଲ୍ଲୀରେ ୧୬୦୦ କରୋନା ମାମଲା ସାମ୍ନାକୁ ଆସିଛି। ଏହା ବ୍ୟତୀତ ଦିଲ୍ଲୀର ମୁଖ୍ୟମନ୍ତ୍ରୀ କହିଛନ୍ତି ଯେ ଯଦି ଆସନ୍ତା ଏକ ସପ୍ତାହ ପର୍ଯ୍ୟନ୍ତ କରୋନା ସଂକ୍ରମଣ ମାମଲା ଏହିଭଳି ରୁହେ ତେବେ ମେ ୩୧ରୁ ଆମେ ଅନଲକ୍ ପ୍ରକ୍ରିୟା ଆରମ୍ଭ କରିବୁ। ତଥାପି ଏହି ପ୍ରକ୍ରିୟା ଧୀରେ ଧୀରେ କାର୍ଯ୍ୟକାରୀ ହେବ ବୋଲି ସେ କହିଛନ୍ତି। କେବଳ ଏତିକି ନୁହେଁ, ଲକଡାଉନ୍ ବୃଦ୍ଧି ଘୋଷଣା କରିବା ସମୟରେ ଦିଲ୍ଲୀ ମୁଖ୍ୟମନ୍ତ୍ରୀ କହିଛନ୍ତି ଯେ ଆମେ କରୋନାକୁ କାବୁ କରିବାକୁ ଯାଉଛୁ, କାରଣ ଏପ୍ରିଲରେ କରୋନା ସଂକ୍ରମଣ ମାମଲା ୨୮ହଜାରରେ ପହଞ୍ଚିଥିଲା ​​ଏବଂ ସେତେବେଳେ ପଜିଟିଭ୍ ହାର ୩୬ ପ୍ରତିଶତରେ ପହଞ୍ଚିଥିଲା। ବର୍ତ୍ତମାନ ସମୟରେ ୧୬୦୦ମାମଲା ରିପୋର୍ଟ କରାଯାଉ ଥିବା ବେଳେ ପଜିଟିଭ୍ ହାର ୨.୫ ପ୍ରତିଶତ ରହିଛି। କେଜ୍ରିୱାଲ ଆହୁରି କହିଛନ୍ତି ଯେ କରୋନା ସଂକ୍ରମଣର ବୃଦ୍ଧି ହେତୁ ଦିଲ୍ଲୀରେ ଅମ୍ଳଜାନ ଓ ଆଇସିୟୁ ଶଯ୍ୟାରେ ସଙ୍କଟ ଦେଖାଦେଇଥିଲା। କିନ୍ତୁ କେନ୍ଦ୍ର ସରକାରଙ୍କ ସହାୟତାରେ ଆମେ ଏହାକୁ ଦୂର କରିପାରିଛୁ। ଏଥି ସହିତ କେଜ୍ରିୱାଲ ଟିକା ଅଭାବକୁ ନେଇ ମଧ୍ୟ କଥା ଉଠେଇଛନ୍ତି। ସେ କହିଛନ୍ତି ଯେ ବର୍ତ୍ତମାନ ସମୟରେ ଦିଲ୍ଲୀରେ କରୋନା ଟିକାକୁ ନେଇ ଏକ ସଙ୍କଟ ଦେଖାଦେଇଛି। ଆମକୁ ବିଦେଶରୁ ଏହି ଟିକା କିଣିବାକୁ ପଡୁ ପଛେ ଆମେ ଏହାର ମୁକାବିଲା କରିବୁ ଓ ଏହି ସମସ୍ୟାକୁ ଦୂର କରିବୁ। ଏହା ସହ ସେ ପୁଣି ଥରେ ଦୋହରାଇଛନ୍ତି ଯେ ଆସନ୍ତା ତିନିମାସ ମଧ୍ୟରେ ଆମେ ସମସ୍ତ ଦିଲ୍ଲୀବାସୀଙ୍କୁ କରୋନା ଟିକାକରଣ କରେଇଦେବୁ। ଏହି ସମୟରେ ସେ ମହାମାରୀ ସମୟରେ ଡାକ୍ତର ଓ ଡାକ୍ତରୀ କର୍ମଚାରୀଙ୍କ ବିଷୟରେ ମଧ୍ୟ ଆଲୋଚନା କରିଥିଲେ। ସେ କହିଛନ୍ତି ଯେ ଡାକ୍ତର ଓ ନର୍ସମାନେ ସେବାରେ ସମ୍ପୂର୍ଣ୍ଣଭାବେ ନିୟୋଜିତ ଅଛନ୍ତି। ଏହି ସମୟରେ, ଆମେ ଆମର ଅନେକ ଡାକ୍ତରଙ୍କୁ ମଧ୍ୟ ହରାଇଛୁ। ସେ କହିଛନ୍ତି ଯେ ଯୁଦ୍ଧ ଏବେ ବି ବାକି ଅଛି। ଏବେ ବି ଏକ ହଜାରରୁ ଅଧିକ ମାମଲା ଆସୁଛି।