ଶ୍ରୀମନ୍ଦିରରୁ ତିନି ରଥକୁ ଆଜ୍ଞାମାଳ ବିଜେ….

ରିପୋର୍ଟ କାର୍ଡ / ପୁରୀ

ଆସନ୍ତାକାଲି ମହାପ୍ରଭୁଙ୍କ ପବିତ୍ର ରଥଯାତ୍ରା। ଆଜି ଶ୍ରୀମନ୍ଦିରରୁ ଆଜ୍ଞାମାଳ ତିନି ରଥକୁ ବିଜେ କରିଛି । ପରମ୍ପରା ଅନୁଯାୟୀ ସକାଳ ଧୂପ ସରିବା ପରେ ପୂଜାପଣ୍ଡାମାନେ ରଥଖଳାକୁ ଆଜ୍ଞାମାଳ ବିଜେ କରିଛନ୍ତି । ତିନି ପୂଜାପଣ୍ଡା ସାମନ୍ତ ତିନି ରଥରେ ଏକକାଳୀନ ଆଜ୍ଞାମାଳ ବିଜେ କରାଇଛନ୍ତି । ଏହାପରେ ରଥଗୁଡିକୁ ସିଂହଦ୍ବାର ଅଭିମୁଖେ ଟଣାଯାଉଛି । ନନ୍ଦିଘୋଷ ରଥକୁ ପ୍ରଥମେ ଟଣା ହେବା ପରେ ଦେବଦଳନ ଓ ଶେଷରେ ତାଳଧ୍ବଜ ରଥକୁ ଟଣାଯାଇ ସିଂହଦ୍ବାର ସମ୍ମୁଖରେ ରଖାଯିବ । ରଥଖଳାରେ ୩ ରଥ ସମ୍ପୂର୍ଣ୍ଣ ପ୍ରସ୍ତୁତ ହୋଇ ରହିଥିଲା । ରଥ କନା ଲଗାଇବା କାର୍ଯ୍ୟ ଶନିବାରଠାରୁ ସମ୍ପନ୍ନ ହୋଇସାରିଥିଲା । ରଥ ନିର୍ମାଣ କମିଟିର ବିଶେଷଜ୍ଞମାନେ ୩ ରଥକୁ ଫିଟନେସ୍ ସାର୍ଟିଫିକେଟ୍ ଦେଇଛନ୍ତି । ସେପଟେ ଶ୍ରୀମନ୍ଦିରରେ ଉଭା ଯାତ୍ର ପାଳନ ହେଉଛି । ସୋମବାର ପହଣ୍ଡି ବିଜେ ପାଇଁ ରବିବାର ରାତିରେ ବଡ଼ସିଂହାର ବେଶ ଓ ପହୁଡ଼ ପରେ ବାହୁଟ କଣ୍ଟ ଓ ଶ୍ରୀଜିଉଙ୍କ ଶ୍ରୀ ଅଙ୍ଗରେ ସେନାପଟା ଲାଗି କାର୍ଯ୍ୟ ମଧ୍ୟ କରାଯିବ ।