ଅଢ଼େଇ କୋଟି ଟଙ୍କାର ବ୍ରାଉନସୁଗର ଜବତ,୩ ଗିରଫ…..

ରିପୋର୍ଟ କାର୍ଡ / ବାଲେଶ୍ଵର

ଅଢ଼େଇ କୋଟି ଟଙ୍କାର ବ୍ରାଉନସୁଗର ଜବତ କରିଛି କ୍ରାଇମବ୍ରାଞ୍ଚ ଏସଟିଏଫ୍ । ଜଳେଶ୍ୱର ମାର୍କେଟରେ ଡିଲ୍ ବେଳେ ଓଜନ ୨କିଲୋ ୪୦୨ ଗ୍ରାମ ର ବ୍ରାଉନସୁଗର ସହିତ ୩ ଜଣ ବେପାରୀଙ୍କୁ ଗିରଫ କରାଯାଇଛି । ଗିରଫ ଅଭିଯୁକ୍ତମାନେ ହେଲେ ଜଳେଶ୍ୱର ଅଞ୍ଚଳର ମମତାଜ ଖାନ୍, ଜଗତସିଂହପୁରର ଉଦୟନାଥ ରଥ ଓ କଟକ ୪୨ ମୌଜାର ପ୍ରଦୀପ କୁମାର ଦାସ । ସୂଚନା ଅନୁସାରେ- ଖବର ପାଇ ଅଚାନକ ରେଡ୍ କରିଥିଲା ଏସଟିଏଫ୍ । ସେମାନଙ୍କ ପାଖରୁ ପ୍ରାୟ ଅଢ଼େଇ କୋଟି ଟଙ୍କାର ବ୍ରାଉନସୁଗର ଜବତ କରିବା ସହ ଅଧିକ ଖୋଳତାଡ ଜାରି ରହିଛି । ଏମାନେ କେଉଁଠାରୁ ଆଣିଥିରେ ବ୍ରାଉନସୁଗର । ଏହି କାରବାରରେ ଆଉ କିଏ ସାମିଲ ଅଛନ୍ତି ସେନେଇ ଜେରା କରୁଛି ଏସଟିଏଫ୍ | ଦେଖିବାକୁ ଗଲେ ଗତବର୍ଷଠାରୁ ଆଜି ପର୍ଯ୍ୟନ୍ତ ଏସଟିଏଫ୍ ୩୮ କିଲୋରୁ ଅଧିକ ବ୍ରାଉନସୁଗର, ୮୪ କ୍ୱିଣ୍ଟାଲରୁ ଅଧିକ ଗଞ୍ଜେଇ ଜବତ କରିବା ସହ ଶହେରୁ ଅଧିକ ବେପାରୀଙ୍କୁ ଗିରଫ କରିଛି।