ବରିଷ୍ଠ କଂଗ୍ରେସ ନେତା ତଥା ପୂର୍ବତନ କେନ୍ଦ୍ର ମନ୍ତ୍ରୀ ଓସ୍କାର ଫର୍ଣ୍ଣାଣ୍ଡିଜଙ୍କ ପରଲୋକ…..

ରିପୋର୍ଟ କାର୍ଡ / ନୂଆଦିଲ୍ଲୀ

ବରିଷ୍ଠ କଂଗ୍ରେସ ନେତା ତଥା ପୂର୍ବତନ କେନ୍ଦ୍ର ମନ୍ତ୍ରୀ ଓସ୍କାର ଫର୍ଣ୍ଣାଣ୍ଡିଜଙ୍କ ଦେହାନ୍ତ ହୋଇଯାଇଛି। ଦୀର୍ଘ ଦିନର ଅସୁସ୍ଥତା ପରେ ସୋମବାର ଫର୍ଣ୍ଣାଣ୍ଡିଜଙ୍କର ପରଲୋକ ଘଟିଛି | ମୃତ୍ୟୁବେଳକୁ ଓସ୍କାର ଫର୍ଣ୍ଣାଣ୍ଡିଜଙ୍କୁ ୮୦ ବର୍ଷ ହୋଇଥିଲା ଓ ଗତ ଦୁଇ ମାସ ଧରି ସେ ମାଙ୍ଗାଲୁରୁର ୟେନୋପୋୟା ହସ୍ପିଟାଲରେ ଚିକିତ୍ସିତ ହେଉଥିଲେ। ଜୁଲାଇ ୧୮ ରେ, ସେ ଘରୋଇ କାମ କରିବା ସମୟରେ ଆହତ ହୋଇଥିଲେ। ଏହା ପରେ ତାଙ୍କ ମୁଣ୍ଡରେ ଆଭ୍ୟନ୍ତରୀଣ ଆଘାତ ଲାଗିଥିଲା। ଏହା ପରେ ଜୁଲାଇ ୧୯ ରେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ଜୁଲାଇ ୨୭ ରେ, ତାଙ୍କର ମସ୍ତିଷ୍କ ଅସ୍ତ୍ରୋପଚାର ହୋଇଥିଲା | ଏହାପରଠାରୁ ନିୟମିତ ଡାଏଲିସିସ କରାଯାଉଥିଲା | ଓସ୍କାରଙ୍କ ମୃତ୍ୟୁରେ କଂଗ୍ରେସ ପକ୍ଷରୁ ଗଭୀର ଶୋକ ପ୍ରକାଶ କରାଯାଇଛି | ସେହିପରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଧ୍ୟ ଗଭୀର ଦୁଃଖ ପ୍ରକାଶ କରିବା ସହ ଶୋକସନ୍ତପ୍ତ ପରିବାରବର୍ଗଙ୍କୁ ସମବେଦନା ଜଣାଇଛନ୍ତି |