ବ୍ରିଟେନର ଟିକା ବ୍ଲୁ ପ୍ରିଣ୍ଟ ଚୋରି କରି ଟିକା ତିଆରି କରିଛି ରୁଷ୍‌…..

ରିପୋର୍ଟ କାର୍ଡ / ନୂଆଦିଲ୍ଲୀ

ବ୍ରିଟେନର ଟିକା ବ୍ଲୁ ପ୍ରିଣ୍ଟକୁ ଚୋରି କରି କରୋନା ଟିକା ତିଆରି କରିଛି ରୁଷ୍‌ | ଏହା ସାହାଯ୍ୟରେ ପ୍ରଥମ କୋଭିଡ୍ ଟିକା ତିଆରି କରିଥିବା ଅଭିଯୋଗ ହୋଇଛି। ରୁଷିଆ ତାଙ୍କ ଗୁପ୍ତଚରମାନଙ୍କଠାରୁ ବ୍ରିଟେନ୍ ଦ୍ୱାରା ନିର୍ମିତ ଅକ୍ସଫୋର୍ଡ-ଆଷ୍ଟ୍ରାଜେନେକା କରୋନା ଟୀକାର ବ୍ଲୁ ପ୍ରିଣ୍ଟ ଚୋରି କରିଛି | ସୁରକ୍ଷା ଏଜେନ୍ସି ବ୍ରିଟେନର ମନ୍ତ୍ରୀମାନଙ୍କୁ ଜଣାଇଛନ୍ତି | କହିଛନ୍ତି କି କ୍ରେମଲିନ୍ ଗୁପ୍ତଚର ଏଜେଣ୍ଟମାନେ କୋଭିଡ ଟିକା ଯୋଜନା ଚୋରି କରିଛନ୍ତି | ଏହା ପରେ ନିଜ ଟିକା ତିଆରିରେ ଏହାକୁ ବ୍ୟବହାର କରିଛନ୍ତି। ଦ ସନ୍‌ ର ରିପୋର୍ଟ ଅନୁଯାୟୀ, ବ୍ଲୁପ୍ରିଣ୍ଟ ଏବଂ ସମ୍ବେଦନଶୀଳ ଦଲିଲଗୁଡ଼ିକ ନିଜେ ରୁଷର ଗୁପ୍ତଚରଙ୍କ ଦ୍ୱାରା ଚୋରି ହୋଇଥିଲା। ସୁରକ୍ଷା ମନ୍ତ୍ରୀ ଏହି ଅଭିଯୋଗକୁ ମାନିବାକୁ ମନା କରି ଦେଇଛନ୍ତି କିନ୍ତୁ ସାଇବର ଆକ୍ରମଣ ତୀବ୍ର ହେବା ଲାଗିଛି ବୋଲି ସେ କହିଛନ୍ତି। ସୁରକ୍ଷା ସୂତ୍ର ଅନୁସାରେ, ମସ୍କୋ ଗୁପ୍ତଚର ବ୍ୟକ୍ତିଗତ ଭାବେ ବ୍ରିଟେନ୍ ଯାଇ ଟିକା ର ଗୁପ୍ତ ଡିଜାଇନ୍ ଚୋରି କରିଛନ୍ତି। ତେବେ ଏହା ସ୍ପଷ୍ଟ ହୋଇନାହିଁ ଯେ ବ୍ଲୁ ପ୍ରିଣ୍ଟ ଫାର୍ମା କମ୍ପାନୀର ଲ୍ୟାବର ଥିଲା କିମ୍ବା ଅଧ୍ୟୟନ ପାଇଁ ପ୍ରସ୍ତୁତ ଟିକାର ଭିଆଲ। ସୂତ୍ର ଏହା ମଧ୍ୟ କହିଛି ଯେବ୍ରିଟିଶ ବୈଜ୍ଞାନିକମାନେ ଏହି ଟିକା ପାଇଁ ଅନୁସନ୍ଧାନ ଆରମ୍ଭ କରିବାକୁ ଘୋଷଣା କରିବା ପରେ, ମାର୍ଚ୍ଚ ୨୦୨୦ ଆରମ୍ଭରେ ଅକ୍ସଫୋର୍ଡ ୟୁନିଭରସିଟି ଉପରେ ହ୍ୟାକରମାନେ ସାଇବର ଆକ୍ରମଣ କରିଥିଲେ।