ତାଲିବାନର ନୂଆ ନିୟମ ଅଭିନୟ କରିପାରିବେ ନାହିଁ ମହିଳା…..

ରିପୋର୍ଟ କାର୍ଡ / ନୂଆଦିଲ୍ଲୀ

ତାଲିବାନ ଆଫଗାନିସ୍ତାନ ବାସୀଙ୍କ ଉପରେ ପୁଣି ଏକ ନୂଆ ନିୟମ ଲାଗୁକଲା | ଏହି ନିୟମ ତାଲିବାନ ପ୍ରଶାସନ  ମହିଳାଙ୍କ ଉପରେ କଟକଣା ଲଗାଇଛନ୍ତି | ଯାହା ଅନୁଯାୟୀ ଦେଶର ଟେଲିଭିଜନରେ ମହିଳାମାନେ ଅଭିନୟ କରିପାରିବେ ନାହିଁ । ଏହାପୂର୍ବରୁ ମହିଳା ଟିଭି ସାମ୍ବାଦିକମାନେ ସେମାନଙ୍କ ରିପୋର୍ଟ ଉପସ୍ଥାପନ କରିବା ସମୟରେ ହିଜାବ ପିନ୍ଧିବାକୁ ମଧ୍ୟ ନିର୍ଦ୍ଦେଶ ଦିଆଯାଇଥିଲା। ମନ୍ତ୍ରଣାଳୟର ମୁଖପାତ୍ର କହିଛନ୍ତି ଯେ ଏହା ନିୟମ ନୁହେଁ ବରଂ ଧାର୍ମିକ ନିର୍ଦ୍ଦେଶାବଳୀ । ତାଲିବାନ କ୍ରମାଗତ ଭାବରେ ଦାବି କରୁଛି ଯେ ମହିଳାମାନେ ମଧ୍ୟ ଏହାର ନୂତନ ଶାସନରେ ସ୍ଥାନ ପାଇବେ, କିନ୍ତୁ ଏହା ସତ୍ତ୍ବେ ମହିଳାମାନଙ୍କ ଉପରେ ଅନେକ ପ୍ରତିବନ୍ଧକ ଘୋଷଣା କରାଯାଇଛି।