ଦିଲ୍ଲୀ ଉପମୁଖ୍ୟମନ୍ତ୍ରୀଙ୍କ ଅଫିସ ରେଡ୍‌…..

ରିପୋର୍ଟ କାର୍ଡ / ନୂଆଦିଲ୍ଲୀ

ଆଜି ଦିଲ୍ଲୀ ଉପମୁଖ୍ୟମନ୍ତ୍ରୀ ମନିଶ ସିସୋଦିଆଙ୍କ ଅଫିସରେ ସିବିଆଇ ରେଡ୍‌ କରିଛି। ଏନେଇ ନିଜେ ସିସୋଦିଆ ସୂଚନା ଦେଇଛନ୍ତି । ସେ କହିଛନ୍ତି ଯେ, ସିବିଆଇ ଆଜି ପୁଣି ରେ ମୋ ଅଫିସ୍‌ରେ ରେଡ୍ କରିଛି। ମୁଁ ସେମାନଙ୍କୁ ସ୍ୱାଗତ କରୁଛି। ସେମାନେ ମୋ ଘର ମଧ୍ୟ ଯାଞ୍ଚ କରିଛନ୍ତି। ଅଫିସରେ ଛାନଭିନ୍‌ କରିବା ସହ ମୋ ଲକର ମଧ୍ୟ ସର୍ଚ୍ଚ କରିଛନ୍ତି । ଏମିତିକି ସେମାନେ ମୋ ଗାଁରେ ମଧ୍ୟ ତଦନ୍ତ କରିଛନ୍ତି। କିନ୍ତୁ ସେମାନେ ମୋ ବିରୋଧରେ କିଛି ପ୍ରମାଣ ପାଇ ନାହାନ୍ତି। ସେମାନେ ମଧ୍ୟ କିଛି ପାଇବେ ନାହିଁ। ମୁଁ କୌଣସି ଭୁଲ କରି ନାହିଁ | ଉଲ୍ଲେଖ ଯୋଗ୍ୟ- ଦିଲ୍ଲୀରେ ୧୦ ହଜାର କୋଟି ଟଙ୍କାର ଏହି ଅବକାରୀ ଦୁର୍ନୀତି ମାମଲାରେ ସିସୋଦିଆଙ୍କୁ ସିବିଆଇ ଆଗରୁ ଥରେ ଜେରା କରିଛି। ପୂର୍ବରୁ ଏହି ମାମଲାରେ ତିନି ଜଣ ଗିରଫ ମଧ୍ୟ ହୋଇସାରିଛନ୍ତି।