ଘାଟିରୁ ଖସିଲା ପିକନିକ କାର,୩ ମୃତ,୬ ଆହତ…..

ରିପୋର୍ଟ କାର୍ଡ / ମାଲକାନଗିରି

ପିକନିକ ଯାଉଥିବା ସମୟରେ ଘାଟିରୁ କାର ଖସି ୩ ଜଣଙ୍କର ମୃତ୍ୟୁ ହୋଇଥିବା ବେଳେ ୬ ଗୁରୁତର ଆହତ ହୋଇଛନ୍ତି | ଏଭଳି ମର୍ମନ୍ତୁଦ ସଡକ ଦୁର୍ଘଟଣା ଘଟିଛି ଆଜି ମାଲକାନଗିରି ଜିଲ୍ଲା ରାଇକିଆ ଥାନା ଅର୍ନ୍ତଗତ କରଡା ଘାଟିରେ | ପ୍ରାୟ ୭୦ ଫୁଟ ତଳକୁ ଏକ କାର ଖସିପଡି ୩ ଜଣଙ୍କ ମୃତ୍ୟୁ ହୋଇଥିବା ବେଳେ ୬ ଗୁରୁତର ହୋଇଛନ୍ତି। ଗୁରୁତରଙ୍କୁ ହସ୍ପିଟାଲ ନିଆଯାଇଛି। ଉକ୍ତ ଯୁବକମାନେ ଭାଲିଆପଡାର ବୋଲି ପ୍ରାଥମିକ ତଦନ୍ତରୁ ଜଣାପଡିଛି। ୯ ଜଣ ଯୁବକ ଏକ କାର ଯୋଗେ ସୋରଡା ଦାନ୍ତ ଲିଙ୍ଗ ପିକନିକ ପାଇଁ ଯାଉଥିବା ସମୟରେ ଏହି ଦୁର୍ଘଟଣା ଘଟିଥିବା ନେଇ ସୂଚନା ମିଳିଛି। ଖବର ପାଇ ପୁଲିସ ଓ ଅଗ୍ନିଶମ କର୍ମଚାରୀ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛନ୍ତି।