ନାଗକୁ ଧରି ନାଗିନ୍‌ ଡ୍ୟାନ୍ସ……

ରିପୋର୍ଟ କାର୍ଡ / ମୟୁରଭଞ୍ଜ

ନାଗକୁ ଧରି ନାଗିନ୍‌ ଡ୍ୟାନ୍ସ କରିବା ମହଙ୍ଗା ପଡିଛି। ବରଯାତ୍ରୀ ଶୋଭାଯାତ୍ରାରେ ନାଗକୁ ଧରି ଡ୍ୟାନ୍ସ କରିବା ଘଟଣାରେ ସାପ ଖେଳାଳି ସମେତ ୫ଜଣ ବାଦ୍ୟକାରଙ୍କୁ ଅଟକ ରଖିଛି ବନବିଭାଗ । ମୟୁରଭଞ୍ଜ ଜିଲ୍ଲା କରଞ୍ଜିଆ ସହରରେ ଦେଖିବାକୁ ମିଳିଛି ଏପରି ଘଟଣା । ଖବର ଅନୁଯାୟୀ, ବରଯାତ୍ରୀ ଶୋଭାଯାତ୍ରାରେ ଯାଉଥିବା ବେଳେ ଜଣେ ବ୍ୟକ୍ତି ଏକ ବିନ୍‌ ବଜେଇ ବିଷାକ୍ତ ସାପକୁ ଧରି ନାଗିନ୍‌ ଡ୍ୟାନ୍ସ କରୁଥିଲେ । ସର୍ବସାଧାରଣଙ୍କ ସମ୍ମୁଖରେ ଏହି ସାପୁଆ କେଳା ବାଦ୍ୟର ତାଳେ ତାଳେ ନୃତ୍ୟ ପରିବେଷଣ କରୁଥିଲା। ଏନେଇ ଖବର ପାଇବା ପରେ କରଞ୍ଜିଆ ବନ ବିଭାଗ ସାପ ଖେଳାଳୀ ଏବଂ ବାଜା ବଜାଉଥିବା ସମୁଦାୟ ୫ ଜଣଙ୍କୁ ଅଟକ ରଖିଛି। ଏହା ସହ ସାପକୁ ଉଦ୍ଧାର କରିଛି ବନ ବିଭାଗ।