ଆରମ୍ଭ ହେଲା ବିଶ୍ବ କ୍ରୀଡା ମହାକୁମ୍ଭ ‘ଅଲିମ୍ପିକ୍ସ’…..

ରିପୋର୍ଟ କାର୍ଡ / ନୂଆଦିଲ୍ଲୀ

ଆଜିଠାରୁ ଆରମ୍ଭ ହୋଇଯାଇଛି ଟୋକିଓ ଅଲିମ୍ପିକ୍ସ। ବିନାଦର୍ଶକରେ ଟୋକିଓ ଅଲିମ୍ପିକ୍ସ ଉଦଘାଟନୀ ଉତ୍ସବ ଅନୁଷ୍ଠିତ ହୋଇଛି । ଭାରତର ୨୦ଜଣ ଆଥଲେଟ ଉଦଘାଟନୀ ସମାରୋହରେ ଅଂଶଗ୍ରହଣ କରିଥିଲେ । ପୁରୁଷ ହକି ଦଳର ଅଧିନାୟକ ମନପ୍ରୀତ ସିଂ ଓ ମହାନ ମହିଳା ବକ୍ସିର ମେରୀ କମ୍ ଭାରତର ଧ୍ୱଜାବାହକ ହୋଇଥିଲେ । ପରମ୍ପରା ଅନୁସାରେ ଗ୍ରୀସ ଦଳ ପ୍ରଥମେ ଶୋଭାଯାତ୍ରାରେ ବାହାରିଥିଲେ । ଏହା ପରେ ପଛକୁ ପଛ ଅନ୍ୟ ଦେଶର ଶୋଭାଯାତ୍ରା ଆସିଥିଲା \ଏଥର ୨୦୦ରୁ ଅଧିକ ଦେଶର ୧୧୪୦୦ ପ୍ରତିଯୋଗୀ ଅଂଶଗ୍ରହଣ କରୁଛନ୍ତି । ଅଗଷ୍ଟ ୮ ପର୍ଯ୍ୟନ୍ତ ହେବାକୁ ଥିବା ଏହି ମହାକୁମ୍ଭରେ ୩୩ କ୍ରୀଡାର ୩୩୯ ଇଭେଂଟରେ ମୁକାବିଲା ହେବ । ଭାରତ ପକ୍ଷରୁ ଏଥର ୧୨୭ଜଣ ଖେଳାଳି ଟୋକିଓ ଯାଇଛନ୍ତି । ସେମାନଙ୍କ ମଧ୍ୟରେ ୫ଜଣ ଓଡିଆ ଅଛନ୍ତି । କରୋନା ମହାମାରୀରୁ ଖେଳାଳିମାନଙ୍କୁ ସୁରକ୍ଷିତ ରଖିବା ପାଇଁ ଆବଶ୍ୟକ ପଦକ୍ଷେପ ଗ୍ରହଣ କରାଯାଇଛି ।