ରଥ ଟଣା ଆରମ୍ଭ……

ରିପୋର୍ଟ କାର୍ଡ / ପୁରୀ

ଆଜି ପବିତ୍ର ବାହୁଡ଼ାଯାତ୍ରା। ଭକ୍ତି ଭାବରେ ଭିଜୁଛି ସମଗ୍ର ଶ୍ରୀକ୍ଷେତ୍ର। ଗଡିଛି ବଡ଼ଠାକୁର ବଳଭଦ୍ରଙ୍କର ତାଳଧ୍ୱଜ ରଥ | ନାଚ, ଗୀତ, ହରିବୋଲରେ ଦୁଲୁକୁଛି ବଡ଼ଦାଣ୍ଡ। ନୀତି ର୍ନିଘଣ୍ଟ ଅନୁଯାୟୀ, ଶୁକ୍ରବାର ଭୋର ୪ଟାରେ ମଙ୍ଗଳ ଆଳତି ହୋଇ ମଧ୍ୟାହ୍ନ ୧୨ଟାରେ ପହଣ୍ଡି ଆରମ୍ଭ ହୋଇଥିଲା। ପ୍ରଥମେ ଚକ୍ରରାଜ ଶ୍ରୀସୁଦର୍ଶନଙ୍କ ପହଣ୍ଡି ଆସି ରଥରେ ବିଜେ କରିଥିଲେ। ପରେ ବଡ଼ ଠାକୁର ଶ୍ରୀବଳଭଦ୍ର ପହଣ୍ଡିରେ ଆସି ରଥରେ ବିରାଜମାନ କରିଥିଲେ। ମା’ ସୁଭଦ୍ରା ଶୂନ୍ୟ ପହଣ୍ଡିରେ ଦେବଦଳନ ରଥରେ ବିଜେ କରିଥିଲେ। ମହାପ୍ରଭୁ ଶ୍ରୀଜଗନ୍ନାଥ ଧାଡ଼ି ପହଣ୍ଡିରେ ଆସି ରଥାରୂଢ଼ ହୋଇଥିଲେ। ପରେ ଆରମ୍ଭ ହୋଇଥିଲା ପବିତ୍ର ଛେରାପହଁରା ନୀତି। ଗଜପତି ମହାରାଜା ସୁବର୍ଣ୍ଣ ଖଡ଼ିକାରେ ରଥ ମାର୍ଜନା କରି ଭକ୍ତି ଭାବରେ ସମ୍ପନ୍ନ କରିଥିଲେ ଛେରାପହଁରା ନୀତି |