ରିପୋର୍ଟ କାର୍ଡ / ନୂଆଦିଲ୍ଲୀ
ଦେଶରେ କରୋନା ସଂକ୍ରମିତଙ୍କ ସଂଖ୍ୟା ୧୦ ହଜାର ତଳକୁ ହ୍ରାସ ପାଉଥିବା ଦେଖାଯାଉଛି। ମାତ୍ର ଅନ୍ୟ ଦେଶ ଭଳି ଭାରତ ମଧ୍ୟ କରୋନାର ନୂଆ ଭାରିଆଣ୍ଟ ଓମିକ୍ରନ ପାଇଁ ଚିନ୍ତିତ। ଓମିକ୍ରନ୍ ବିପଦକୁ ଦୃଷ୍ଟିରେ ରଖି ଭାରତ ସରକାର ଆଜି ଆନ୍ତର୍ଜାତୀୟ ଯାତ୍ରୀମାନଙ୍କ ପାଇଁ ଏକ ନୂତନ ଗାଇଡଲାଇନ ଜାରି କରିଛନ୍ତି।
ନୂତନ ଗାଇଡଲାଇନ ଅନୁଯାୟୀ, ସଂକ୍ରମଣହାର ଅଧିକ ଥିବା ଦେଶମାନଙ୍କରୁ ଆସୁଥିବା ବିଦେଶୀ ଯାତ୍ରୀମାନଙ୍କୁ ବିମାନବନ୍ଦରରେ ହିଁ କରୋନା ପରୀକ୍ଷା କରାଇବାକୁ ପଡିବ। କରୋନା ଟିକାର ୨ଟି ଯାକ ପାନ ନେଇଥିବା ବ୍ୟକ୍ତି ମଧ୍ୟ କରୋନା ପରୀକ୍ଷା କରାଇବା ବାଧ୍ୟତାମୂଳକ ।
ନୂଆ ନିୟମ ଗୋଡ଼ିକ ମଧ୍ୟରେ…..
- ସଂକ୍ରମଣହାର ଅଧିକ ଥିବା ଦେଶମାନଙ୍କରୁ ଆସୁଥିବା ବିଦେଶୀ ଯାତ୍ରୀମାନଙ୍କୁ ବିମାନବନ୍ଦରରେ କରୋନା ପରୀକ୍ଷା କରିବାକୁ ପଡିବ।
- ବିଦେଶ ଯାଉଥିବା ଯାତ୍ରୀମାନଙ୍କୁ ୭୨ ଘଣ୍ଟା ପୂର୍ବରୁ କରାଯାଇଥିବା ଆରଟିପିସିଆର ପରୀକ୍ଷଣର ରିପୋର୍ଟ ଦେଖାଇବାକୁ ଆବଶ୍ୟକ ।
- ସଂକ୍ରମିତ ହୋଇଥିବା ଯାତ୍ରୀମାନେ ସଙ୍ଗରୋଧରେ ରହିବେ।
- କରୋନାର ନେଗେଟିଭ ରିପୋର୍ଟ ଆସିବା ପରେ ହିଁ ଯାତ୍ରୀମାନେ ଘରକୁ ଯାଇପାରିବେ। ମାତ୍ର ଏକ ସପ୍ତାହ ସଙ୍ଗରୋଧରେ ରହିବା ଆବଶ୍ୟକ।
- ସଙ୍ଗରୋଧ ରହିବାର ୭ ଦିନ ପରେ ୮ମ ଦିନରେ ପୁଣି କରୋନା ପରୀକ୍ଷା କରାଯିବ।
- ଏହାସହ ସାମାଜିକ ଦୂରତା ପାଳନ ସହ ମାସ୍କ ପିନ୍ଧିବା ବାଧ୍ୟତାମୂଳକ । ଯେଉଁ ଦେଶଗୁଡିକରେ ଓମିକ୍ରନ୍ ର ବିପଦ ରହିଛି, ସେଠାରେ ଆସୁଥିବା ପ୍ରତ୍ୟେକ ଯାତ୍ରୀ ସୁନିଶ୍ଚିତ ପରୀକ୍ଷା କରାଇବେ।
- ରାଜ୍ୟଗୁଡିକକୁ ମଧ୍ୟ ବିଦେଶରୁ ଆସୁଥିବା ଯାତ୍ରୀମାନଙ୍କୁ ମଧ୍ୟ କରୋନା ପରୀକ୍ଷା ବୃଦ୍ଧି କରିବା ଏବଂ କରୋନା ହଟସ୍ପଟ୍ ଉପରେ ମଧ୍ୟ ନଜର ରଖିବା ଉଚିତ୍ ।
Discussion about this post