ସ୍ତ୍ରୀ ଓ ଝିଅକୁ ହାଣି ସ୍ୱାମୀର ଆତ୍ମହତ୍ୟା….

ରିପୋର୍ଟ କାର୍ଡ / ଜଗତସିଂହପୁର

ବର୍ବରତାର ସବୁ ସୀମା ଟପିଗଲା ଶୈତାନି | ସ୍ତ୍ରୀ ଓ ଝିଅକୁ ହାଣିବା ପରେ ନିଜେ ଆତ୍ମହତ୍ୟା କରିଛି | ଏଭଳି ଘଟଣା ଘଟିଛି ଜଗତସିଂହପୁର ଥାନା ଓଡ଼ିଶୋ ପଞ୍ଚାୟତ ଚାନ୍ଦ ପାଟଣା ଗାଁରେ। ଏହି ଘଟଣା ଉକ୍ତ ଅଞ୍ଚଳରେ ଚାଞ୍ଚଲ୍ୟ ଖେଳାଇଦେଇଛି। ସୂଚନା ଅନୁସାରେ ଲୋକନାଥ ପାଲ୍ ନିଜ ଧର୍ମପତ୍ନୀ କଳ୍ପନା ପାଲ୍ ଓ ଝିଅ ଲକି ପାଲ୍ କୁ ଆଜି ଭୋରୁ ଏକ ଧାରୁଆ ଅସ୍ତ୍ରରେ ଅତି ନିର୍ମମ ଭାବେ ହାଣି ନିଜେ ରସି ଲଗାଇ ଆତ୍ମହତ୍ୟା କରିଛି। ଗୁରୁତର କଳ୍ପନା ଓ ଲକିକୁ ଜଗତସିଂହପୁର ଜିଲ୍ଲା ମୁଖ୍ୟ ଚିକିତ୍ସାଳୟକୁ ଅଣାଯାଇଥିଲା। ହେଲେ ଝିଅ ଲକିକୁ ଡାକ୍ତର ମୃତ ଘୋଷଣା କରିଛନ୍ତି। କଳ୍ପନାଙ୍କ ଅବସ୍ଥା ଗୁରୁତର ଅଛି। ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରୁଛି। ଅଭାବ ଅନାଟନ ପାଇଁ ଏଭଳି ଘଟଣା ଘଟିଥିବା ଅନୁମାନ କରାଯାଉଛି।