ରିପୋର୍ଟ କାର୍ଡ / ନୂଆଦିଲ୍ଲୀ
ଦିଲ୍ଲୀ ଜାହାଙ୍ଗିରପୁରୀ ଅଞ୍ଚଳରେ ପୋଲିସ କୁ ପଥର ମାଡ଼ ହୋଇଛି। ଗତ ଶନିବାର ହନୁମାନ ଜୟନ୍ତୀ ପାଇଁ ଶୋଭାଯାତ୍ରା ବେଳେ ଧାର୍ମିକ ହିଂସା ଦେଖିବାକୁ ମିଳିଥିଲା । ଏହା ପରଠାରୁ ଉତ୍ତେଜନା ଲାଗି ରହିଛି। ଶନିବାର ଘଟଣାରେ ଜଣକୁ ପଚରାଉଚରା ପାଇଁ ପୋଲିସ ଜଣେ ମହିଳାଙ୍କୁ ନିଜ ହେପାଜତକୁ ନେଇଥିଲା। ଏହାକୁ ବିରୋଧ କରି ପ୍ରାୟ ୫୦ ଜଣ ମହିଳା ବିକ୍ଷୋଭ ଆରମ୍ଭ କରିବା ସହ ପୋଲିସ ଉପରକୁ ପଥରମାଡ଼ କରିଥିବା ସୂଚନା ମିଳିଛି । ଗୋଷ୍ଠୀ ସଂଘର୍ଷ ବେଳେ ସୁନୋ ନାମକ ଜଣେ ଯୁବକ ଖୋଲା ଗୁଳି ଚାଳନା କରିଥିଲେ। ଏହା ପରେ ଅଭିଯୁକ୍ତ ସୁନୋ ଫେରାର ଥିବା ବେଳେ ପୋଲିସ ତାଙ୍କ ସ୍ତ୍ରୀକୁ ପଚରାଉଚରା ପାଇଁ ଉଠାଇ ନେଇଛି। ତେବେ ତାଙ୍କୁ ସୋମବାର ପୋଲିସ ନେଉଥିବା ବେଳେ ଅନ୍ୟ ଛାତ ଉପରୁ କିଛି ମହିଳା ଟେକା ପଥର ମାଡ଼ କରିଥିଲେ। ଆଜି ସୁନୋଙ୍କ ଘରକୁ ପୋଲିସ ଯାଇଥିବା ବେଳେ ତାଙ୍କର ଘରର ସଦସ୍ୟ ଦୁଇଟି ଢେଲା ମାଡ଼ କରିଥିବା ଦିଲ୍ଲୀ-ଉତ୍ତରପୂର୍ବ ଡେପୁଟି ପୋଲିସ କମିଶନର କହିଛନ୍ତି । ସୁନୋଙ୍କୁ ଧରିବା ପାଇଁ ସର୍ଚ୍ଚ ଅଭିଯାନ ଜାରି ରହିଥିବା ବେଳେ ତାଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କମିଶନର କହିଛନ୍ତି। ଏବେ ପରିସ୍ଥିତି ନିୟନ୍ତ୍ରଣ ଥିବା ପୋଲିସ କହିଛି। ଅନ୍ୟପଟେ ଦିଲ୍ଲୀ ଜାହାଙ୍ଗିରପୁରୀ ହିଂସାକାଣ୍ଡ ପରେ ବଢ଼ିଛି ସୁରକ୍ଷା ବ୍ୟବସ୍ଥା । ଦିଲ୍ଲୀ ପୋଲିସ ପକ୍ଷରୁ ଆଜି ଫ୍ଲାଗ୍ ମାର୍ଚ୍ଚ କରାଯାଇଛି। କଡ଼ା ସୁରକ୍ଷା ବ୍ୟବସ୍ଥା ସହ ଜାହାଙ୍ଗିରପୁରୀ ଅଞ୍ଚଳରେ ପୋଲିସ ପଇନ୍ତରା ମାରିଛି । ଏବେ ଯାଏଁ ମାମଲାରେ ୨୧ ଜଣଙ୍କୁ ଗିରଫ କରିଛି ପୋଲିସ । ସମ୍ପୂର୍ଣ୍ଣ ଅଞ୍ଚଳରେ ପୋଲିସ ଫୋର୍ସ ସଂଖ୍ୟାକୁ ବଢ଼ାଯାଇଛି । ଯେପରି କୌଣସି ଅପ୍ରୀତିକର ସ୍ଥିତି ଉପୁଜିବନି ସେ ନେଇ କଡ଼ା ନଜର ରଖାଯାଇଛି।
More Stories
ଧାରା ୩୭୦ ସଂପ୍ରତି ଇତିହାସ, ଫେରିବାର ପ୍ରଶ୍ନ ନାହିଁ….
ସୋମନାଥ ଏକ୍ସପ୍ରେସ ଲାଇନଚ୍ୟୁତ…..
ସାତକୋଶିଆ ଜଗିବେ ଏସ୍ଟିପିଏଫ୍…..