ବିଜେପି ବିଧାୟକ ନରିନ୍ଦର ବ୍ରାଗଟାଙ୍କ ଦେହାନ୍ତ…..

ରିପୋର୍ଟ କାର୍ଡ / ନୂଆଦିଲ୍ଲୀ

ଜୁବାଲ କୋଟଖାଇ ଆସନର ବିଜେପି ବିଧାୟକ ନରିନ୍ଦର ବ୍ରାଗଟାଙ୍କର ଆଜି ସକାଳେ ପରଲୋକ ହୋଇଛି | ମୃତ୍ୟୁ ବେଳକୁ ତାଙ୍କୁ ୬୯ବର୍ଷ ବୟସ ହୋଇଥିଲା । କିଛି ଦିନ ପୂର୍ବରୁ ସେ କରୋନାରୁ ସୁସ୍ଥ ହେବା ପରେ ଘରକୁ ଫେରିଥିଲେ । ସଂକ୍ରମଣରୁ ସୁସ୍ଥ ହେବା ପରେ ସେ ପୋଷ୍ଟ କୋଭିଡ ସମସ୍ୟା ସହ ଲଢେଇ କରୁଥିଲେ । ପରେ ତାଙ୍କୁ ସ୍ୱାସ୍ଥ୍ୟବସ୍ଥା ବିଗିଡିବାରୁ ଚଣ୍ଡିଗଡ଼ର ଏକ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ଯେଉଁଠାରେ ସେ ଚିକିତ୍ସିତ ହେଉଥିବା ମୟରେ ତାଙ୍କର ମୃତ୍ୟୁ ହୋଇଛି । ତାଙ୍କ ପୁଅ ଚେତନ ସିଂ ବ୍ରାଗଟା ସୋସିଆଲ ମେଡିଆରେ ମୃତ୍ୟୁ ବିଷୟରେ ସୂଚନା ଦେଇଛନ୍ତି । ସେ କହିଛନ୍ତି ଦୀର୍ଘ ଦିନ ଧରି ତାଙ୍କ ପିତା ଅସୁସ୍ଥ ଥିଲେ । ନରିନ୍ଦର ସିଂ ବ୍ରାଗଟା ମଧ୍ୟ ହିମାଚଳ ସରକାରରେ ମୁଖ୍ୟ ସଚେତକ ଥିଲେ ଏବଂ ପୂର୍ବ ସରକାରରେ ମଧ୍ୟ ମନ୍ତ୍ରୀ ଥିଲେ ।