ରିପୋର୍ଟ କାର୍ଡ / ଭୁବନେଶ୍ୱର
ନୂଆପଡ଼ା -ବରଗଡ଼ ରୋଡ୍ ରେଳ ଲାଇନ୍କୁ କେନ୍ଦ୍ରର ମଞ୍ଜୁରୀ ମିଳିଛି । ଆଜି ଏନେଇ ରେଳ ମନ୍ତ୍ରୀ ଅଶ୍ୱିନୀ ବୈଷ୍ଣବ ସୂଚନା ଦେଇଛନ୍ତି। ଏଥିପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ରେଳମନ୍ତ୍ରୀ ଅଶ୍ୱିନୀ ବୈଷ୍ଣବଙ୍କୁ ଧନ୍ୟବାଦ ଜଣାଇଛନ୍ତି ସାଂସଦ ସୁରେଶ ପୂଜାରୀ। ସୂଚନାରୁ ପ୍ରକାଶ, ବରଗଡ଼ ସାଂସଦ ସୁରେଶ ପୂଜାରୀ ଅଗଷ୍ଟ ୫ ତାରିଖ ରେଳମନ୍ତ୍ରୀଙ୍କୁ ଚିଠି ଲେଖି ନୂଆପଡ଼ା ରୋଡ୍-ବରଗଡ଼ ରୋଡ୍ ରେଳ ଲାଇନ୍କୁ ମଂଜୁରୀ ଦେବାକୁ ଅନୁରୋଧ କରିଥିଲେ। ସାଂସଦଙ୍କ ଅନୁରୋଧକୁ ରକ୍ଷା କରି ରେଳ ମନ୍ତ୍ରଣାଳୟ ନୂଆପଡ଼ା-ବରଗଡ଼ ପ୍ରକଳ୍ପକୁ ମଞ୍ଜୁରୀ ପ୍ରଦାନ କରିଥିବା ଶ୍ରୀ ବୈଷ୍ଣବ ଚିଠି ଲେଖି ଅବଗତ କରାଇଛନ୍ତି। ନୂଆପଡ଼ା ରୋଡ୍-ବରଗଡ଼ ରୋଡ୍ ରେଳ ଲାଇନ୍ ୧୪୨ କିମି ହେବ। ଏହି ରେଳପଥରେ ୧୪ଟି ଷ୍ଟେସନ ରହିବ। ଏଥିସହ ନବବର୍ଷ ପାଇଁ ଶ୍ରୀ ବୈଷ୍ଣବ, ସାଂସଦ ସୁରେଶ ପୂଜାରୀଙ୍କୁ ହାର୍ଦ୍ଦିକ ଶୁଭେଚ୍ଛା ଜଣାଇଛନ୍ତି।
More Stories
ଜେଲରୁ ମୁକୁଳିଛନ୍ତି ଆପ୍ ନେତା ସତ୍ୟେନ୍ଦ୍ର ଜୈନ….
ପୂର୍ବତନ ବିଧାୟକ ଉତ୍କଳ କେଶରୀ ପରିଡାଙ୍କ ପରଲୋକ…..
ସ୍ପା ନାଁରେ ଚାଲିଥିଲା ସେକ୍ସ ରାକେଟ୍…..