ୟୁକ୍ରେନରେ ଭାରତୀୟ ନାଗରିକ ଆତଙ୍କିତ…..

ରିପୋର୍ଟ କାର୍ଡ / ନୂଆଦିଲ୍ଲୀ

ୟୁକ୍ରେନ ଉପରେ ଋଷିଆର ବିବାଦ ବଢ଼ିବାରେ ରାଗିଛି | ଯାହାକି ଯୋଦ୍ଧା ରୂପ ନେଉଛି | ଯୁଦ୍ଧର ଆତଙ୍କ ଭିତରେ ଥିବା ୟୁକ୍ରେନରୁ ଭାରତ ଆସିବାକୁ ବିମାନ ମିଳୁନି। ଏହି ଖବର ପ୍ରଘଟ ହେବାପରେ ୟୁକ୍ରେନ୍‌ରେ ରହୁଥିବା ଭାରତୀୟ ନାଗରିକ ଖୁବ୍‌ ଭୟରେ ଅଛନ୍ତି। ତେବେ ଭାରତୀୟମାନେ ଆଦୌ ଭୟ ନକରିବାପାଇଁ ୟୁକ୍ରେନ୍‌ ସ୍ଥିତ ଭାରତୀୟ ଦୂତାବାସ ପକ୍ଷରୁ କୁହାଯାଇଛି। ଭାରତୀୟ ଦୂତାବାସ ପକ୍ଷରୁ ବୁଧବାର ଦିନ ଏକ ଟ୍ବିଟ୍‌ କରି ଏହା କୁହାଯାଇଛି ‌ଯେ ଲୋକମାନେ ବିମାନ ଟିକେଟ୍‌ ପାଉନଥିବା ଖବର ସଂକ୍ରାନ୍ତରେ ଆମେ ସଚେତନ ଅଛୁ । ୟୁକ୍ରେନରୁ ଅଧିକ ବିମାନ ବ୍ୟବସ୍ଥା କରିବାପାଇଁ ଯୋଜନା କରାଯାଉଛି ଏବଂ ଭାରତୀୟମାନେ ଆଦୌ ଭୟ ନକରିବାପାଇଁ କୁହାଯାଇଛି। କିନ୍ତୁ କେବେଠାରୁ ଅଧିକ ବିମାନ ଉଡ଼ିବ ସେନେଇ କୌଣସି ସ୍ପଷ୍ଟ ସୂଚନା ମିଳିନି। ଖୁବ୍‌ଶୀଘ୍ର ୟୁକ୍ରେନ୍‌ରୁ ଭାରତକୁ ଅଧିକ ବିମାନ ଉଡ଼ାଣ କରିବ ବୋଲି ଦୂତାବାସ ପକ୍ଷରୁ ଜାରି ବୟାନରେ କୁହାଯାଇଛି। । ୟୁକ୍ରେନରେ ଭାରତୀୟଙ୍କ ସମସ୍ୟା ଶୁଣିବାପାଇଁ ଦୂତାବାସରେ କଣ୍ଟ୍ରୋଲ ରୁମ୍‌ ପ୍ରତିଷ୍ଠା କରାଯାଇଛି। ଭାରତୀୟ ଦୂତାବାସ ସ୍ବାଭାବିକ ଭାବେ କାମ କରୁଛି ଏବଂ ସମସ୍ତ ସୁବିଧା ଉପଲବ୍ଧ ଅଛି। ୟୁକ୍ରେନ୍‌ ସ୍ଥିତ ଭାରତୀୟ ଦୂତାବାସରେ ୨୪ ଘଣ୍ଟିଆ ହେଲ୍ପଲାଇନ୍‌ ପ୍ରତିଷ୍ଠା ହୋଇଛି ବୋଲି ଦୂତାବାସ ପକ୍ଷରୁ କୁହାଯାଇଛି।