ନୌସେନାରେ ସାମିଲ ହେଲା ‘ଆଇଏନ୍‌ଏସ୍‌ ମୋର୍‌ମୁଗାଓ’…..

ରିପୋର୍ଟ କାର୍ଡ / ନୂଆଦିଲ୍ଲୀ

ଭାରତ ମହାସାଗର ଅଞ୍ଚଳରେ ନିଜର ସାମର୍ଥ୍ୟ ବୃଦ୍ଧି କରିବା ଲାଗି ସ୍ବଦେଶୀ ଜ୍ଞାନକୌଶଳରେ ନିର୍ମିତ ‘ଗାଇଡେଡ୍‌ ମିସାଇଲ୍‌ ଡେଷ୍ଟ୍ରୟର୍‌’ ଯୁଦ୍ଧପୋତ ‘ଆଇଏନ୍‌ଏସ୍‌ ମୋର୍‌ମୁଗାଓ’ | ଆଜି ଭାରତୀୟ ନୌସେନାରେ ଅନ୍ତର୍ଭୁକ୍ତ କରାଯାଇଛି । ନୌସେନା ମୁଖ୍ୟ ଆଡ୍‌ମିରାଲ୍‌ ଆର୍‌. ହରି କୁମାର କହିଛନ୍ତି, ଗତ ଦଶନ୍ଧି ମଧ୍ୟରେ ଭାରତୀୟ ନୌସେନା ଯୁଦ୍ଧପୋତ ଡିଜାଇନ୍‌ ଓ ନିର୍ମାଣ କରିବାର ସାମର୍ଥ୍ୟ ହାସଲ କରିଛି। ବର୍ଷକ ପରେ ଆମେ ‘ଡେଷ୍ଟ୍ରୟର୍‌ ମୋର୍‌ମୁଗାଓ’କୁ ନୌସେନାରେ ସାମିଲ କରି ସ୍ବଦେଶୀ ଯୁଦ୍ଧପୋତ ନିର୍ମାଣ ଇତିହାସରେ ଆଜି ଆଉ ଗୋଟାଏ ଗୁରୁତ୍ବପୂର୍ଣ୍ଣ ସାଫଲ୍ୟ ସଂଯୋଗ କଲୁ। ବର୍ଷକରୁ ଅଧିକ ଦିନ ତଳେ ‘ବିଶାଖାପଟନମ୍‌’ ନାମରେ ଏ ପ୍ରକାର ଆଉ ଗୋଟାଏ ଯୁଦ୍ଧପୋତ ନୌସେନାରେ ସାମିଲ ହୋଇଥିଲା। ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ, ‘ସିଡିଏସ୍‌’ ଜେନେରାଲ୍‌ ଅନୀଲ ଚୌହାନ୍‌, ନୌସେନା ମୁଖ୍ୟ ଆଡ୍‌ମିରାଲ୍‌ ଆର୍‌. ହରି କୁମାର ଏବଂ ଅନ୍ୟାନ୍ୟ ବହୁ ବିଶିଷ୍ଟ ବ୍ୟକ୍ତି ଏହି କାର୍ଯ୍ୟକ୍ରମରେ ଉପସ୍ଥିତ ଥିଲେ।