ମାର୍କେଟରେ ୧ ଘଣ୍ଟାରୁ ଅଧିକ ରହିଲେ ୫୦୦ ଟଙ୍କା ଜରିମାନା….

ରିପୋର୍ଟ କାର୍ଡ / ନୂଆଦିଲ୍ଲୀ

ଦେଶରେ କରୋନା ସଂକ୍ରମଣ ବୃଦ୍ଧି ପାଇବାରେ ଲାଗିଛି | ୨୪ ଘଣ୍ଟା ମଧ୍ୟରେ ୭୨,୩୩୦ ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି | ମହାରାଷ୍ଟ୍ରରେ କରୋନା ସଂକ୍ରମଣ ଅଣାୟତ୍ତ ହେବାରେ ଲାଗିଛି। ଲୋକେ କେତେକ କ୍ଷେତ୍ରରେ ସରକାରଙ୍କ ପକ୍ଷରୁ ଜାରି ହୋଇଥିବା ମାର୍ଗଦର୍ଶିକାକୁ ପାଳନ କରୁ ନ ଥିବାରୁ ସ୍ଥିତି ଧୀରେଧୀରେ ଅସମ୍ଭାଳ ହେବାରେ ଲାଗିଛି। ସୁରକ୍ଷାକୁ ଦୃଷ୍ଟିରେ ରଖି ନାସିକ୍‌ ପ୍ରଶାସନ କଡ଼ା ପଦକ୍ଷେପ ଗ୍ରହଣ କରିଛନ୍ତି। ବଜାର ଯାଉଥିବା ଲୋକଙ୍କୁ ୫ ଟଙ୍କାର ପ୍ରବେଶ ଶୁଳ୍କ ଦେବାକୁ ପଡୁଛି। ଯଦି ସମ୍ପୃକ୍ତ ବ୍ୟକ୍ତି ୧ ଘଣ୍ଟାରୁ ଅଧିକ ସମୟ ବଜାରରେ ରହୁଛନ୍ତି ତେବେ ତାଙ୍କୁ ୫୦୦ ଟଙ୍କା ଜରିମାନା ଦେବାକୁ ପଡୁଛି। ଏହାଦ୍ୱାରା ଅମାନିଆଙ୍କ ଉପରେ ଅଙ୍କୁଶ ଲଗାଯାଇ ପାରିବ ବୋଲି ପ୍ରଶାସନ ପକ୍ଷରୁ କୁହାଯାଇଛି।