ପ୍ରେମ ପଟ୍ଟନାୟକଙ୍କୁ ନେଇ ସଙ୍କେତ ଦେଲେ ମନ୍ମଥ…..

ରିପୋର୍ଟ କାର୍ଡ / ଭୁବନେଶ୍ୱର

ବିଜେଡି ସୁପ୍ରିମୋ ତଥା ବିରୋଧୀ ଦଳ ନେତା ନବୀନ ପଟ୍ଟନାୟକଙ୍କ ସ୍ବାସ୍ଥ୍ୟାବସ୍ଥା ଜାଣିବା ପାଇଁ ତାଙ୍କ ବ ଭାଇ ପ୍ରେମ ପଟ୍ଟନାୟକ ଭୁବନେଶ୍ୱରରେ ପହଞ୍ଚିଛନ୍ତି। ଗତ କିଛି ଦିନ ହେବ ନବୀନ ପଟ୍ଟନାୟକ ଅସୁସ୍ଥ ଥିଲେ ଏବଂ ସେ ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ଚିକିତ୍ସିତ ହେଉଥିଲେ। ବର୍ତ୍ତମାନ ସେ ଡିସଚାର୍ଜ ହୋଇଛନ୍ତି। ତେବେ ଏନେଇ ବିଜେଡି ନେତା ମନ୍ମଥ ରାଉତରାୟ ବଡ଼ ବୟାନ ଦେଇଛନ୍ତି। ପ୍ରେମ ପଟ୍ଟନାୟକଙ୍କୁ ନେଇ ସଙ୍କେତ ଦେଇଛନ୍ତି ମନ୍ମଥ। ସୂଚନା ଅନୁଯାୟୀ, ଆଜି ସଂଧ୍ୟାରେ ନବୀନ ନିବାସରେ ଏକ ଗୁରୁତ୍ୱପୂର୍ଣ୍ଣ ବୈଠକ ଅନୁଷ୍ଠିତ ହେବ, ଯେଉଁଥିରେ ପ୍ରେମ ପଟ୍ଟନାୟକ ବରିଷ୍ଠ ନେତାମାନଙ୍କୁ ଭେଟିବେ। ଏହି ବୈଠକରେ ବିଜେଡିର ପରବର୍ତ୍ତୀ ରାଜନୈତିକ ପଦକ୍ଷେପ ଓ ଦଳର ଭବିଷ୍ୟତ ରଣନୀତି ନେଇ ଆଲୋଚନା ହେବାର ସମ୍ଭାବନା ରହିଛି।ସେ ଏହି ବୈଠକକୁ ନେଇ କହିଛନ୍ତି ଯେ ଅଭିଜ୍ଞ ନେତାମାନଙ୍କୁ ସାମିଲ କରି ଦଳର ସାଂଗଠନିକ ସ୍ଥିତିକୁ ମଜବୁତ କରିବା ପାଇଁ ଏହା ଏକ ପ୍ରୟାସ। ସେ ଆହୁରି ମଧ୍ୟ ଇଙ୍ଗିତ ଦେଇଛନ୍ତି ଯେ ଏହି ବୈଠକରେ ପ୍ରେମ ପଟ୍ଟନାୟକଙ୍କ ଭୂମିକା ଏବଂ ଦଳର ଭବିଷ୍ୟତ ଯୋଜନା ଉପରେ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଆଯାଇପାରେ। ନବୀନ ନିବାସରେ ଅନୁଷ୍ଠିତ ହେବାକୁ ଥିବା ଏହି ବୈଠକକୁ ନେଇ ରାଜନୈତିକ ମହଲରେ ହଲଚଲ ଦେଖାଦେଇଛି। ବିଜେଡି ନେତୃତ୍ୱ ଏହି ବୈଠକ ମାଧ୍ୟମରେ ଆଗାମୀ ଦିନରେ ଦଳର ରଣନୀତିକୁ କିପରି ଆଗେଇ ନେବେ, ତାହା ଉପରେ ସମସ୍ତଙ୍କ ନଜର ରହିଛି। ସୂଚନା ଅନୁଯାୟୀ, ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସ୍ବାସ୍ଥ୍ୟାବସ୍ଥା ନେଇ ତାଙ୍କ ବଡ଼ ଭାଇ ପ୍ରେମ ପଟ୍ଟନାୟକ ତୁରନ୍ତ ଭୁବନେଶ୍ୱର ଆସିଛନ୍ତି। ଏଥିସହ ତାଙ୍କ ସ୍ତ୍ରୀ ତଥା ନବୀନଙ୍କ ଭାଉଜ ମଧ୍ୟ ଆସିଛନ୍ତି। ତେବେ ପ୍ରେମ ପଟ୍ଟନାୟକଙ୍କ ଏହି ଆଗମନ ନବୀନଙ୍କ ସ୍ବାସ୍ଥ୍ୟ ସମ୍ପର୍କରେ ଚର୍ଚ୍ଚାକୁ ଆହୁରି ତୀବ୍ର କରିଛି। ଏଥିସହ ଓଡ଼ିଶା ରାଜନୈତିକ ମହଲରେ ମଧ୍ୟ ହଲଚଲ ଦେଖିବାକୁ ମିଳିଛି। କାରଣ ଦେଖାଯାଇଛି ନବୀନଙ୍କ ପରିବାର ଲୋକ ସେମିତି କିଛି ବଡ଼ ଘଟଣା ନ ହେଲେ ଭୁବନେଶ୍ୱର ଆସି ନ ଥାନ୍ତି। କିଛି ବଡ଼ କାରଣ ଥିଲେ ସେ ଆସନ୍ତି। କିନ୍ତୁ ଏବେ ନବୀନଙ୍କ ଦେହ ଖରାପ ଯୋଗୁ ସେ ଆସିଥାପାରନ୍ତି। ହେଳେ ନବୀନଙ୍କ ଭଉଣୀ ଗୀତା ମେହେଟ୍ଟା ସବୁବେଳେ ଓଡ଼ିଶା ଆସନ୍ତି। କିନ୍ତୁ ପ୍ରେମ ପଟ୍ଟନାୟକ ଆସନ୍ତିନି। ଗତ କିଛିଦିନ ଧରି ନବୀନ ଓ ପାଣ୍ଡିଆନଙ୍କ ଭିଡିଓ ଭାଇରାଲ ଭିତରେ ପ୍ରେମ ପଟ୍ଟନାୟକ ଭୁବନେଶ୍ୱର ଆସିବା ଓଡ଼ିଶା ରାଜନୀତିରେ ହଇଚଇ ସୃଷ୍ଟି କରିଛି।