ଶଙ୍ଖ ଛାଡ଼ି ପଦ୍ମ ଧରିବେ କି ସାଂସଦ ଅନୁଭବ….

ରିପୋର୍ଟ କାର୍ଡ / ଭୁବନେଶ୍ବର

ଓଲିଉଡ୍ ଅଭିନେତା ତଥା କେନ୍ଦ୍ରାପଡ଼ା ସାଂସଦ ଅନୁଭବ ମହାନ୍ତି ପାରିବାରିକ ବିବାଦରେ ଛନ୍ଦି ହୋଇ ଥିବା ବେଳେ ଏବେ ରାଜନୈତିକ ଚର୍ଚାକୁ ଆସିଛନ୍ତି | ଅନୁଭବ ଆଜି କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କୁ ଭେଟିଛନ୍ତି । ଆଗକୁ ୨୦୨୪ ଲୋକସଭା ଓ ବିଧାନସଭା ନିର୍ବାଚନ ଆସୁଛି । ଶାସକ ବିଜେଡିରେ ଅନୁଭବ କୋଣଠେସା ହୋଇ ରହିଥିବା ବେଳେ ଏବେ ବିଜେପି ଆଡ଼କୁ ମୁହାଁଉଥିବା ନେଇ ରାଜନୈତିକ ମହଲରେ ଚର୍ଚ୍ଚା ଜୋରଧରିଛି | ଶାହଙ୍କୁ ହଠାତ୍ ଏପରି ଭେଟିବା ଅନେକ ପ୍ରଶ୍ନ ବାଛି ସୃଷ୍ଟି କରୁଛି | ଦୁହେଁ ସାମ୍ନାସାମ୍ନି ବସି କିଛି ସମୟ ଆଲୋଚନା କରିଥିବା ବେଳେ ଏହାର ଫଟୋ ଅନୁଭବ ସୋସିଆଲ ମିଡ଼ିଆରେ ସେୟାର କରିଛନ୍ତି । ଏହି ଫଟୋକୁ ନେଇ ରାଜନୈତିକ ହଟ ଚମଟ ସୃଷ୍ଟି ହୋଇଛି |