‘ପଠାନ୍‌’ ୬୦୦ କୋଟି ପାର୍‌…..

ରିପୋର୍ଟ କାର୍ଡ / ନୂଆଦିଲ୍ଲୀ

ତୀବ୍ର ବିରୋଧ ପରେ ଧମାଲ କରୁଛି ‘ପଠାନ୍‌’ | ଶାହରୁଖ୍‌ଙ୍କ ଫିଲ୍ମ ପ୍ରତ୍ୟେକ ଦିନ ନୂଆ ନୂଆ ରେକର୍ଡ଼ ଭାଙ୍ଗିଛି। ସାରା ବିଶ୍ବରେ ଏହି ଚଳଚ୍ଚିତ୍ର ଜବରଦସ୍ତ ଆୟ କରୁଛି। ସୂଚନା ମିଳିଛି ଯେ,​‌ ଗୋଟିଏ ସପ୍ତାହରେ ‘ପଠାନ୍‌’ ବିଶ୍ବବ୍ୟାପୀ ୬୦୦ କୋଟିରୁ ଊର୍ଦ୍ଧ୍ବ ଟଙ୍କା ଆୟ କରିଛି | ଯାହା ଫଳରେ ଫିଲ୍ମର କଳାକାରଙ୍କଠାରୁ ଆରମ୍ଭ କରି ପ୍ରଶଂସକମାନେ ମଧ୍ୟ ଖୁସିିରେ ଆତ୍ମବିଭୋର ହୋଇଛନ୍ତି।

ଟ୍ରେଡ୍‌ ଆନାଲିଷ୍ଟ ରମେଶ ବାଲାଙ୍କ ମୁତାବକ, ଶାହରୁଖ ଖାନ୍‌, ଦୀପିକା ପାଦୁକୋନ ଓ ଜନ୍‌ ଆବ୍ରାହମ୍‌ ଅଭିନୀତ ‘ପଠାନ୍‌’ ମାତ୍ର ସପ୍ତାହେ ମଧ୍ୟରେ ବିଶ୍ବବ୍ୟାପୀ ବକ୍ସ ଅଫିସରେ ୬୪୦ କୋଟି ଟଙ୍କା ଆୟ କରିଛି। ଏହି ଖବର ଶୁଣି ପ୍ରଶଂସକମାନେ ଶାହରୁଖଙ୍କର ଭୁରିଭୁରି ପ୍ରଶଂସା କରିଛନ୍ତି।