ଏସିଆ ସ୍ଥିତି ନେଇ ଅବଗତ କରିବେ ପ୍ରଧାନମନ୍ତ୍ରୀ……

ରିପୋର୍ଟ କାର୍ଡ / ନୂଆଦିଲ୍ଲୀ

ପଶ୍ଚିମ ଏସିଆରେ ଚାଲିଥିବା ଯୁଦ୍ଧ ପରିସ୍ଥିତି ଦିନକୁ ଦିନ ଅଧିକ ବିପଦପୂର୍ଣ୍ଣ ହେବାରେ ଲାଗିଛି। ଆମେରିକା ଏବଂ ଇସ୍ରାଏଲର ଭୟଙ୍କର ଆକ୍ରମଣରେ ଇରାନ ମଧ୍ୟ ଇସ୍ରାଏଲ ଏବଂ ଉପସାଗରୀୟ ଦେଶଗୁଡ଼ିକରେ ଥିବା ଆମେରିକୀୟ ସାମରିକ ଘାଟି ଉପରେ ପ୍ରତିଆକ୍ରମଣ ଆରମ୍ଭ କରୁଛି। କ୍ଷେପଣାସ୍ତ୍ର ଏବଂ ଡ୍ରୋନର ପ୍ରବଳ ଆକ୍ରମଣ ମଧ୍ୟରେ, ଯୁଦ୍ଧ ଆଜି ୨୪ ଦିନରେ ପହଞ୍ଚିଛି। ଏପରି ଏକ ଗୁରୁତ୍ୱପୂର୍ଣ୍ଣ ସମୟରେ, ଭାରତ ମଧ୍ୟ ସତର୍କତାର ସହିତ ଆଗକୁ ବଢ଼ୁଛି। ଏହି ପରିପ୍ରେକ୍ଷୀରେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଲୋକସଭାରେ ଏହି ସଙ୍କଟ ଉପରେ ଭାରତ ସରକାରଙ୍କ ମତ ସ୍ପଷ୍ଟ କରିବେ। ସୂତ୍ର ଅନୁଯାୟୀ ଏହି ସମୟ ମଧ୍ୟରେ ପ୍ରଧାନମନ୍ତ୍ରୀ ମୋଦୀ ପଶ୍ଚିମ ଏସିଆର ସାମ୍ପ୍ରତିକ ପରିସ୍ଥିତି, ଭାରତ ଉପରେ ଏହାର ପ୍ରଭାବ , ସରକାରଙ୍କ ପ୍ରସ୍ତୁତି ଏବଂ ରଣନୀତି ବିଷୟରେ ସୂଚନା ପ୍ରଦାନ କରିବେ।