ସଞ୍ଜୟ ସିଂଙ୍କ ଦୁଇ ସହଯୋଗୀଙ୍କୁ ଇଡି ସମନ…..

ରିପୋର୍ଟ କାର୍ଡ / ନୂଆଦିଲ୍ଲୀ

ଦିଲ୍ଲୀରେ ମଦ ଦୁର୍ନୀତି ମାମଲାରେ ସାଂସଦ ସଞ୍ଜୟ ସିଂଙ୍କ ଦୁଇ ସହଯୋଗୀଙ୍କୁ ପଚରାଉଚରା ପାଇଁ ଇଡି ସମନ କରିଛି । ଏହି ଦୁଇ ଜଣ ହେଲେ ସର୍ବେଶ ମିଶ୍ରା ଓ ବିବେକ ତ୍ୟାଗୀ । ଇଡି ତରଫରୁ ଉଭୟଙ୍କ ଘର ଉପରେ ରେଡ କରାଯାଇଥିବା ବେଳେ ପଚରାଉଚରା ପାଇଁ ସେମାନଙ୍କୁ ଇଡି କାର୍ଯ୍ୟାଳୟକୁ ଡକାଯାଇଛି। ଉଭୟ ଇଡି କାର୍ଯ୍ୟାଳୟରେ ହାଜର ହୋଇଛନ୍ତି । ଉଭୟଙ୍କୁ ଏକୁଟିଆ ଜେରା କରାଯିବା ସହ ସଞ୍ଜୟ ସିଂଙ୍କ ସହ ମୁହାଁମୁହିଁ ଜେରା କରାଯାଇପାରେ ବୋଲି ଚର୍ଚ୍ଚା ହେଉଛି । ସଞ୍ଜୟ ସିଂଙ୍କ ଆନ୍ଦୋଳନ ସମୟରେ ସର୍ବେଶ ସିଂ ଜଣେ ସହଯୋଗୀ ଭାବେ କାମ କରୁଥିଲେ। ଏପରିକି ସେ ଆପ୍‌ର ପ୍ରବକ୍ତା ଭାବେ ବି କାମ କରୁଥିଲେ।