ପିଡିତା ଓ ଦୁଷ୍କର୍ମକାରୀଙ୍କ ମାମଲାରେ ଗାଇଡଲାଇନ୍ ଜାରି କଲେ ସୁପ୍ରିମକୋର୍ଟ…..

ରିପୋର୍ଟ କାର୍ଡ / ନୂଆଦିଲ୍ଲୀ

ଦୁଷ୍କର୍ମ ତଥା ଯୌନ ଶୋଷଣ ମାମଲାର ବିଚାର କରି ସୁପ୍ରିମକୋର୍ଟ ଏକ ଗାଇଡଲାଇନ୍ ଜାରି କରିଛନ୍ତି । ଏହି ଗାଇଡଲାଇନ୍ସ ରେ ରହିଛି କି- ଯୌନ ନିର୍ଯ୍ୟାତନା ମାମଲାରେ ଜାମିନ ସର୍ତ୍ତାବଳୀରେ ଅଭିଯୁକ୍ତ ଓ ପିଡିତାଙ୍କ ମଧ୍ୟରେ ମଧ୍ୟସ୍ଥି କରିବାକୁ ବିଚାରପତିଙ୍କୁ ଅନୁମତି ମିଳିବା ଉଚିତ୍ ନୁହେଁ । ସେହିପରି ଯେଉଁ ମାମଲାରେ ଅଭିଯୁକ୍ତଙ୍କୁ ଜାମିନ ପ୍ରଦାନ କରାଯିବ ସେନେଇ ଅଭିଯୋଗକାରୀ ପିଡିତାଙ୍କୁ ଅବଗତ କରାଯିବ । ଏମିତିକି ଜାମିନ ରାୟର ନକଲ ଦୁଇ ଦିନ ମଧ୍ୟରେ ତାଙ୍କୁ ପ୍ରଦାନ କରାଯିବ। ଅପରପକ୍ଷେ ଯୌନ ନିଯ୍ୟାତନା ମାମଲାର ବିଚାର ବେଳେ ବିଚାରପତି ମାନେ କୌଣସି ପ୍ରକାର ଆପୋସ ବୁଝାମଣା କରିପାରିବେ ନାହିଁ । ଯେପରିକି ବିବାହ କରିବା ଲାଗି ପ୍ରୋତ୍ସାହନ ଦେବେ ନାହିଁ କିମ୍ବା ଏଭଳି ବୁଝାମଣା ନେଇ ମଧ୍ୟସ୍ଥତା ମଧ୍ୟ କରିପାରିବେ ନାହିଁ । ବିଚାର ପତି ମାନେ ମାମଲାର ଶୁଣାଣି ସମୟରେ ସମ୍ବେଦନଶୀଳ ରହିବା ଜରୁରୀ ।