ତେଜସ୍ବୀ ଆଣିଲେ ସାଂଘାତିକ ଅଭିଯୋଗ……

ରିପୋର୍ଟ କାର୍ଡ / ନୂଆଦିଲ୍ଲୀ

ବିହାର ବିଧାନସଭା ନିର୍ବାଚନର ଦ୍ୱିତୀୟ ପର୍ଯ୍ୟାୟ ପାଇଁ ଭୋଟ ନଭେମ୍ବର ୧୧ ତାରିଖରେ ହେବାକୁ ଯାଉଛି। ଏହାପୂର୍ବରୁ ତେଜସ୍ବୀ ଯାଦବ ନିର୍ବାଚନ କମିଶନ ଏବଂ ଭାଜପା ଉପରେ ଆକ୍ରମଣ କରିଛନ୍ତି। ସେ କହିଛନ୍ତି, ସେ ସର୍ବାଧିକ ୧୭୧ଟି ଜନସଭା କରିଛନ୍ତି। ଏପରି କୌଣସି ଜିଲ୍ଲା କିମ୍ବା ବ୍ଲକ ବାକି ନାହିଁ ଯେଉଁଠାକୁ ଆମେ ଯାଇନାହୁଁ। ଆମେ ର୍ନିବାଚନ କମିଶନଙ୍କଠାରୁ କିଛି ପ୍ରଶ୍ନର ଉତ୍ତର ଚାହୁଁଛୁ। ସମସ୍ତିପୁରରେ ସ୍ଲିପ ମିଳିଛି। ଏହି କାରଣରୁ ଲୋକମାନେ ଭୟଭୀତ ଏବଂ ନର୍ଭସ।ତେଜସ୍ବୀ କହିଛନ୍ତି, ସ୍ବରାଷ୍ଟ୍ର ମନ୍ତ୍ରୀଙ୍କର କୌଣସି କାମ ନାହିଁ; ସେ ବର୍ତ୍ତମାନ ପାଟନାରେ ଡେରା ପକାଇଛନ୍ତି। ସେ ଅନେକ ବରିଷ୍ଠ ଅଧିକାରୀଙ୍କୁ ଡକାଇଛନ୍ତି ଏବଂ ବିଶୃଙ୍ଖଳା ସୃଷ୍ଟି କରିବାକୁ ନିର୍ଦ୍ଦେଶ ଦିଆଯାଇଛି। ନିର୍ବାଚନ ପୂର୍ବରୁ କେଉଁ ଲୋକଙ୍କୁ ଉଠାଇବେ ସେ ବିଷୟରେ ସେ ଅଧିକାରୀମାନଙ୍କୁ ସୂଚନା ଦେଉଛନ୍ତି। ସେମାନେ ଆତଙ୍କ ସୃଷ୍ଟି କରିବାକୁ ଚାହୁଁଛନ୍ତି।ସେ ଆହୁରି କହିଛନ୍ତି, ଆମର ଲୋକମାନେ ମଧ୍ୟ ସମସ୍ତଙ୍କ ଉପରେ କଡ଼ା ନଜର ରଖିଛନ୍ତି। ଆମେ ଏହି ସୂଚନା ସେହି ଅଧିକାରୀଙ୍କଠାରୁ ପାଇଛୁ ଯେଉଁମାନଙ୍କୁ ଏହି ନିର୍ଦ୍ଦେଶ ଦିଆଯାଇଥିଲା। ଚାରି ଦିନ ପରେ ମଧ୍ୟ ନିର୍ବାଚନ କମିଶନ ପ୍ରଥମ ପର୍ଯ୍ୟାୟରେ ଭୋଟ ଦେଇଥିବା ପୁରୁଷ ଏବଂ ମହିଳା ଭୋଟରଙ୍କ ସଂଖ୍ୟା ପ୍ରକାଶ କରିନାହାଁନ୍ତି। ଏହାକୁ କାହିଁକି ଲୁଚାଇ ରଖାଯାଇଛି ବୋଲି ସେ ପ୍ରଶ୍ନ କରିଛନ୍ତି।