୧୧ରେ ରିଲିଜ ହେବ ହର୍‌ର୍ ମୁଭି ‘ରୁହି’

ମୁମ୍ବାଇ: ଆସନ୍ତା ମାର୍ଚ୍ଚ ୧୧ରେ ରିଲିଜ ହେବ ହରର୍ କମେଡି ମୁଭି ‘ରୁହି’ । ଜାହ୍ନବୀ କପୁର ଓ ରାଜକୁମାର ରାଓଙ୍କ ଅଭିନୀତ ଏହି ମୁଭିକୁ ଦେଖିବା ପାଇଁ ଦର୍ଶକ ଉତ୍କଣ୍ଠା ସହ ଅପେକ୍ଷା କରିଛନ୍ତି। ଏହି ଚଳଚ୍ଚିତ୍ରର ଟିଜର ମଧ୍ୟ ରିଲିଜ ହୋଇସାରିଥିବା ଅଭିନେତ୍ରୀ ଜାହ୍ନବୀ କପୁର ନିଜ ଇନଷ୍ଟାଗ୍ରାମରେ କହିଛନ୍ତି । ସେ ଏଥିରେ କ୍ୟାପସନ ଦେଇଛନ୍ତି ‘ଭୂତଙ୍କ ବାହାଘରକୁ ଆପଣଙ୍କୁ ସ୍ୱାଗତ’ । ଏହି ଚଳଚ୍ଚିତ୍ରରେ ଚାଲିଥିବା ଭୂତଙ୍କ ବିବାହରେ ସାମିଲ ହେବେ ଶ୍ରୀଦେବୀ ତନୟା ଜାହ୍ନବୀ କପୁର । ସେ ଏକା ନୁହେଁ ରାଜକୁମାର ରାଓ ମଧ୍ୟ ତାଙ୍କ ସହ ସାମିଲ୍ ଅଛନ୍ତି । ଏହି ଫିଲ୍ମର ନିର୍ମାଣ ଜିଓ ଷ୍ଟୁଡିଓ ଓ ଦୀନେଶ ଭିଜନଙ୍କ କମ୍ପାନୀ ମେଡକ ଫିଲ୍ମସ ଓ ମୃଗଦୀପ ସିଂହ ଲାମ୍ବା କରିଛନ୍ତି । ଦୀନେଶ ଭିଜନ ପୂର୍ବରୁ ‘ସ୍ତ୍ରୀ’ ଭଳି ହରର୍ କମେଡି ଚଳଚ୍ଚିତ୍ର ନିର୍ମାଣ କରିସାରିଛନ୍ତି । ୨୦୧୯ରେ ଏହି ଫିଲ୍ମକୁ ନେଇ ଘୋଷଣା ହୋଇଥିଲା। ଗତବର୍ଷ ଜୁନ୍ ମାସରେ ଫିଲ୍ମଟି ପରଦାକୁ ଆସିଥାନ୍ତା । ହେଲେ କରୋନା ମହାମାରୀ ଯୋଗୁଁ ଏଥିରେ ରୋକ ଲାଗିଥିଲା।