ପରବର୍ତ୍ତୀ ସ୍ଥଳସେନା ମୁଖ୍ୟ ଲେଫ୍ଟନାଣ୍ଟ ଜେନେରାଲ୍ ଧୀରଜ ସେଠ୍‌…..

ରିପୋର୍ଟ କାର୍ଡ / ନୂଆଦିଲ୍ଲୀ

ଲେଫ୍ଟନାଣ୍ଟ ଜେନେରାଲ୍ ଧୀରଜ ସେଠ୍‌ ପରବର୍ତ୍ତୀ ସ୍ଥଳସେନା ମୁଖ୍ୟ। ସ୍ଥଳସେନା ମୁଖ୍ୟ ଭାବେ ଧୀରଜ ସେଠ୍‌ଙ୍କୁ ନିଯୁକ୍ତି ଦେଲେ କେନ୍ଦ୍ର ସରକାର। ଜେନେରାଲ୍ ଉପେନ୍ଦ୍ର ଦ୍ବିବେଦୀଙ୍କ ସ୍ଥାନ ନେବେ ଧୀରଜ ସେଠ୍‌। ଜୁନ୍ ୩୦ ରୁ ୨୦୨୮ ଅଗଷ୍ଟ ୩୧ ଯାଏଁ ସ୍ଥଳସେନା ମୁଖ୍ୟ ଭାବେ ଦାୟିତ୍ବ ତୁଲାଇବେ ଧୀରଜ ସେଠ୍। ବର୍ତ୍ତମାନ ସେ ସେନାର ଉପାଧ୍ୟକ୍ଷ ସେନା ଉପାଧ୍ୟକ୍ଷ ଅଛନ୍ତି ଧୀରଜ ସେଠ୍। ସେ ଚଳିତ ବର୍ଷ ଏପ୍ରିଲ ୧ରେ ଉପାଧ୍ୟକ୍ଷ ଭାବେ ଗ୍ରହଣ କରିଥିଲେ। ଜାତୀୟ ପ୍ରତିରକ୍ଷା ଏକାଡେମୀ, ଖଡକୱାସଲାର ପୂର୍ବତନ ଛାତ୍ର ଥିଲେ ଲେଫ୍ଟନାଣ୍ଟ ଜେନେରାଲ୍ ଧୀରଜ ସେଠ୍‌।ଲେଫ୍ଟନାଣ୍ଟ ଜେନେରାଲ ସେଠଙ୍କୁ ଡିସେମ୍ବର ୧୯୮୬ରେ ଆର୍ମର୍ଡ କୋରରେ କମିଶନ କରାଯାଇଥିଲା। ସେ ପ୍ରାୟ ଚାରି ଦଶନ୍ଧି ଧରି ବିଭିନ୍ନ ଭୂଖଣ୍ଡ ଏବଂ ସଂଘର୍ଷପୂର୍ଣ୍ଣ ପରିବେଶରେ ଦେଶ ସେବା କରିଛନ୍ତି। ସେ ମରୁଭୂମି ସେକ୍ଟରରେ ଏକ ଆର୍ମର୍ଡ ରେଜିମେଣ୍ଟର କମାଣ୍ଡ କରିଛନ୍ତି ଏବଂ ପାତିଆଲା-ଭିତ୍ତିକ ୯୮ ଆର୍ମର୍ଡ ବ୍ରିଗେଡର କମାଣ୍ଡ କରିଛନ୍ତି।ସେ ଜମ୍ମୁ ଏବଂ କାଶ୍ମୀରରେ ବିଦ୍ରୋହ ବିରୋଧୀ ଗ୍ରୀଡର ଏକ ଡିଭିଜନ ସ୍ତରୀୟ ଗଠନ ୟୁନିଫର୍ମ ଫୋର୍ସର ମଧ୍ୟ କମାଣ୍ଡ କରିଛନ୍ତି। ଏଭଳି ଅନେକ ଅପରେସନରେ ତାଙ୍କ ବଡ ଭୂମିକା ରହିଛି।