ରିପୋର୍ଟ କାର୍ଡ / କଟକ
ଓଡିଶା ରାଜ୍ୟ ଟ୍ରକ୍ ମାଲିକ ସଂଘ ପକ୍ଷରୁ ଆରମ୍ଭ ହେବାକୁ ଥିବା ଧର୍ମଘଟ ଶେଷ ମୁହୂର୍ତ୍ତରେ ସ୍ଥଗିତ ରଖାଯାଇଛି। ଏନେଇ ସଂଘର ସାଧାରଣ ସମ୍ପାଦକ ସୂଚନା ଦେଇଛନ୍ତି। ସୂଚନାଯୋଗ୍ୟ, ୫ ଦଫା ଦାବି ନେଇ ରାଜ୍ୟ ଟ୍ରକ୍ ମାଲିକ ସଂଘ ଜାନୁଆରି ୧୧ ତାରିଖ ମଧ୍ୟରାତ୍ରିରୁ ଅନର୍ଦ୍ଦିଷ୍ଟ କାଳ ପାଇଁ ଟ୍ରକ୍ ଧର୍ମଘଟର ଘୋଷଣା କରିଥିଲା । କିନ୍ତୁ ଗତ ୯ ତାରିଖ ଦିନ ସୋମବାର ଦିନ ପରିବହନ ବିଭାଗର ପ୍ରମୁଖ ସଚିବ ଉଷା ପାଢ଼ୀଙ୍କ ଅଧ୍ୟକ୍ଷତାରେ ଏକ ଉଚ୍ଚସ୍ତରୀୟ ବୈଠକ ବସି ଟ୍ରକ୍ ମାଲିକମାନଙ୍କର ବିଭିନ୍ନ ସମସ୍ୟା ସମ୍ପର୍କରେ ଆଲୋଚନା କରାଯାଇଥିଲା। ଉକ୍ତ ବୈଠକରେ ପରିବହନ କମିସନର ଅରୁଣ ବୋଥ୍ରାଙ୍କ ସମେତ ମହାସଂଘ ପର ସଭାପତି ବିଭୂତି ପ୍ରସାଦ ଦାସ, ସାଧାରଣ ସମ୍ପାଦକ ରବିନାରାୟଣ ଶତପଥୀ, କାର୍ଯ୍ୟକାରୀ ସଭାପତି ଦିଲୀପ କୁମାର ପାଣି, ଉପସଭାପତି ଶିବ ପ୍ରସାଦ ମିଶ୍ର ଓ ସୁମନ୍ତ କୁମାର ବିଶ୍ୱାଳ ଉପସ୍ଥିତ ଥିଲେ। ଏହି ବୈଠକରେ ପରିବହନ ବିଭାଗର ପ୍ରମୁଖ ସଚିବ ନିଷ୍ପତ୍ତି ନେଇଥିଲେ ଯେ ସ୍କ୍ରାପିଂ ପଲିସିର କାର୍ଯ୍ୟକାରିତା ନେଇ କିଛି ପରିବର୍ତ୍ତନ ପାଇଁ ଦିଆଯାଇଥିବା ପ୍ରସ୍ତାବ, ଟ୍ରକ୍ର ଭଡ଼ା ଧାର୍ଯ୍ୟ ପ୍ରସ୍ତାବ ଏବଂ ଟୋଲ୍ ଗେଟ୍ମାନଙ୍କରେ ଟ୍ରକ୍ରୁ ଆଦାୟ ହେଉଥିବା ଦେୟ ମାଲ ପରିବହନ କରୁଥିବା କମ୍ପାନିମାନେ ଭରଣା କରିବା ବିଷୟରେ ପରିବହନ କମିସନରଙ୍କଠାରୁ ଆସିଥିବା ପ୍ରସ୍ତାବ ବିଷୟରେ ଯଥାଶୀଘ୍ର ନିଷ୍ପତ୍ତି ନିଆଯିବ। କମିସନରଙ୍କ ପ୍ରତିଶ୍ରୁତି ପରେ ସଂଘ ପକ୍ଷରୁ ଟ୍ରକ ଧର୍ମଘଟକୁ ସ୍ଥଗିତ ରଖାଯାଇଛି।
More Stories
ଚାନ୍ଦବାଲିରେ ଲ୍ୟାଣ୍ଡଫଲ କରିବ ବାତ୍ୟା ‘ଦାନା’…..
ଭୁବନେଶ୍ବର ବିମାନବନ୍ଦରରେ ବୋମା ଆତଙ୍କ…..
ସମ୍ପତ୍ତି ଲୋଭ:ପୂର୍ବତନ ମୁଖ୍ୟମନ୍ତ୍ରୀ ଜଗନ ଏବଂ ଶର୍ମିଳାଙ୍କ ମଧ୍ୟରେ କଳି….