ଆଜି ରାଜଧାନୀ ଭୁବନେଶ୍ୱରରୁ ୪୭୬ କରୋନା ଆକ୍ରାନ୍ତ ଚିହ୍ନଟ…..

ରିପୋର୍ଟ କାର୍ଡ / ଭୁବନେଶ୍ୱର

ଆଜି ରାଜଧାନୀ ଭୁବନେଶ୍ୱରରେ ୪୭୬ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି | ଏହି ଆକ୍ରାନ୍ତଙ୍କ ମଧ୍ୟରୁ କ୍ବାରେଣ୍ଟାଇନରୁ ୮୮ ଜଣ ଚିହ୍ନଟ ହୋଇଥିବା ବେଳେ, ସ୍ଥାନୀୟ ସଂକ୍ରମଣ ୩୮୮ ଜଣ ଅଛନ୍ତି । ସେହିପରି ୧୪୦ ଜଣ ସୁସ୍ଥ ହୋଇଥିବା ନେଇ ଟ୍ବିଟ୍ କରି ସୂଚନା ଦେଇଛି ଭୁବନେଶ୍ବର ମହାନଗର ନିଗମ । ସ୍ଥାନୀୟ ସଂକ୍ରମଣ ମଧ୍ୟରୁ ଓଲ୍ଡ ଟାଉନରୁ ସର୍ବାଧିକ ୩୩ ଜଣ ଚିହ୍ନଟ ହୋଇଥିବା ବେଳେ, ନୟାପଲ୍ଲୀରୁ ୨୫, ପଟିଆରୁ ୨୩, ଚନ୍ଦ୍ରଶେଖରପୁରରୁ ୨୧, ଖଣ୍ଡଗିରି ଓ ଟଙ୍କପାଣି ରୋଡରୁ ୧୮ ଜଣ ଲେଖାଏଁ, ଲକ୍ଷ୍ମୀସାଗରରୁ ୧୭, ରସୁଲଗଡ଼ରୁ ୧୨, ଝାରପଡ଼ାରୁ ୧୧, ବରମୁଣ୍ଡା, ବମିଖାଲ, ସୁନ୍ଦରପଦାରୁ ୮ ଜଣ ଲେଖାଏଁ, ଜାଗମରାରୁ ୧୦, ଆଇଗିଣିଆରୁ ୬ ଜଣ ଓ ଶୈଳଶ୍ରୀବିହାରରୁ ୫ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିପରି କ୍ବାରେଣ୍ଟାଇନରୁ ଚିହ୍ନଟ ହୋଇଥିବା ୮୮ ଜଣଙ୍କ ମଧ୍ୟରୁ ପଟିଆ, ୟୁନିଟ୍ ୯ରୁ ୬ ଜଣ ଲେଖାଏଁ, ଝାରପଡ଼ାରୁ ୫, ରସୁଲଗଡ଼ରୁ ୫, ଶ୍ରୀଳଶ୍ରୀବିହାର ଓ ନୟାପଲ୍ଲୀରୁ ୫ ଜଣ ଲେଖାଏଁ, ମଞ୍ଚେଶ୍ବରରୁ ୩ ଓ ଓଲ୍ଡ ଟାଉନରୁ ୪, ଶିରିପୁର ଓ ବରମୁଣ୍ଡାରୁ ୩ ଜଣ ଲେଖାଏଁ ପଜିଟିଭ୍ ଚିହ୍ନଟ ହୋଇଛନ୍ତି । ଆଜିର ସଂଖ୍ୟାକୁ ମିଶାଇ ଭୁବନେଶ୍ବରରେ ଏପର୍ଯ୍ୟନ୍ତ ଚିହ୍ନଟ ହେଲେଣି ୩୭ ହଜାର ୨୦୪ ଜଣ ଆକ୍ରାନ୍ତ । ସେହିପରି ୩୩ ହଜାର ୩୪୮ ଜଣ ସୁସ୍ଥ ହୋଇଥିବା ବେଳେ, ୨୫୦ ଜଣଙ୍କ ଜୀବନ ନେଲାଣି ଭାଇରସ । ବାକି ୩ ହଜାର ୫୮୫ ଜଣଙ୍କ ଚିକିତ୍ସା ଚାଲିଛି ।