କରୋନା ନେଲା ଅଭିନେତ୍ରୀ ଅଭିଳାଷା ପାଟିଲଙ୍କ ଜୀବନ….

ରିପୋର୍ଟ କାର୍ଡ / ମୁମ୍ବଇ

କରୋନା ନେଲା ଆଉ ଜଣେ ଅଭିନେତ୍ରୀଙ୍କ ଜୀବନ । ‘ଛିଛୋରେ’ ସିନେମାର ଅଭିନୟ କରିଥିବା ଅଭିଳାଷା ପାଟିଲଙ୍କର କୋଭିଡ଼୍-୧୯ ସଂକ୍ରମଣ ଯୋଗୁଁ ଦେହାନ୍ତ ହୋଇଥିବା ସୂଚନା ମିଳିଛି। ମୃତ୍ୟୁ ଦେଳକୁ ତାଙ୍କୁ ୪୭ ବର୍ଷ | ଅଭିଳାଷା ଅନେକ ହିନ୍ଦୀ ଓ ମରାଠୀ ଚଳଚ୍ଚିତ୍ରରେ ଅଭିନୟ କରିଛନ୍ତି। ସୂଚନା ଅନୁସାରେ, କିଛିଦିନ ପୂର୍ବରୁ ଶୁଟିଂ ପାଇଁ ସେ ବାରଣାସୀ ଯାଇଥିଲେ। ସେଠାରୁ ଫେରିବା ପରେ ତାଙ୍କୁ ଜ୍ୱର ହୋଇଥିଲା ଏବଂ ପରେ ସେ କରୋନା ସଂକ୍ରମିତ ହୋଇଥିବା ଜଣାପଡ଼ିଥିଲା। ସ୍ୱାସ୍ଥ୍ୟାବସ୍ଥା ଅଧିକ ଖରାପ ହେବାରୁ ବୁଧବାର ତାଙ୍କର ପରଲୋକ ଘଟିଛି। ଅଭିଳାଷା ଛିଛୋରେ, ବଦ୍ରିନାଥ କି ଦୁଲହନିଆ, ଗୁଡ୍ ନ୍ୟୁଜ୍ ଏବଂ ମଲାଲ୍ ଅନେକ ବଲିଉଡ଼ ଚଳଚ୍ଚିତ୍ରରେ ଅଭିନୟ କରିଛନ୍ତି। ଏହାବ୍ୟତୀତ ମରାଠୀ ଚଳଚ୍ଚିତ୍ର ଜଗତର ସେ ଜଣେ ଲୋକପ୍ରିୟ ଅଭିନେତ୍ରୀ। ସୂଚନାଯୋଗ୍ୟ, ପୂର୍ବରୁ ଅନେକ ଅଭିନେତା ଅଭିନେତ୍ରୀ କରୋନା ସଂକ୍ରମିତ ହୋଇଛନ୍ତି। ସେମାନଙ୍କ ମଧ୍ୟରୁ କିଛି କଳାକାର ପ୍ରାଣ ମଧ୍ୟ ହରାଇଛନ୍ତି।