ମାଲବାହୀ ଟ୍ରେନ୍‌ ଲାଇନ୍‌ ଚ୍ୟୁତ, ବଗି ଉପରେ ଚଢିଗଲା ବଗି…..

ରିପୋର୍ଟ କାର୍ଡ / ଅନଗୁଳ

ମଙ୍ଗଳବାର ଅନୁଗୁଳ ଭୋଗବେରିଣୀ ନିକଟରେ ମାଲବାହୀ ଟ୍ରେନ୍‌ ଲାଇନ୍‌ ଚ୍ୟୁତ ହୋଇଛି । ଯାହାଫଳରେ ବଗି ଉପରେ ବଗି ଚଢି ଯାଇଛି | ସେହି ରୁଟ୍‌ ରେ ଟ୍ରେନ୍‌ ଚଳାଚଳା ବାଧାପ୍ରାପ୍ତ ହୋଇଛି । ପ୍ରାୟ ୧୨ଟି ଟ୍ରେନ୍‌ ବାତିଲ କରାଯାଇଥିବାର ସୂଚନା ମିଳିଛି। ଖବର ଅନୁଯାୟୀ, ଅନଗୁଳ ଓ ତାଳଚେର ରୋଡ଼ ଷ୍ଟେସନ ମଧ୍ୟରେ ଟ୍ରାକରୁ ଖସିଲା ମାଲବାହୀ ଟ୍ରେନ । ଭୋଗବେରିଣୀ ନିକଟରେ ମାଲବାହୀ ଟ୍ରେନ ଲାଇନ ଚ୍ୟୁତ ହୋଇଛି । ଲଗାଣ ବର୍ଷା ଯୋଗୁ ଟ୍ରେନ୍‌ ଲାଇନଟି ଦବି ଯାଇଥିଲା । ଯାହାଫଳରେ ସେହି ରାସ୍ତା ଦେଇ ଯାଉଥିବା ଗହମ ବୋଝେଇ ଟ୍ରେନଟି ଲାଇନଚ୍ୟୁତ ହୋଇଛି । ଟ୍ରେନ୍‌ ଲାଇନଚ୍ୟୁତ ହେବା ଫଳରେ ବଗି ଉପରେ ବଗି ସବୁ ଚଢି ଯାଇଛି । ତେବେ ବର୍ତ୍ତମାନ ସୁଦ୍ଧା କେହି ମୃତାହତ ହୋଇନଥିବା ସୂଚନା ମିଳିଛି । ସେହି ରୁଟ ଦେଇ ଟ୍ରେନ ଚଳାଚକ ବାଧାପ୍ରାପ୍ତ ହୋଇଛି । ତେବେ ଦୁର୍ଘଟଣା ଖବର ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚିଛନ୍ତି । ଉଦ୍ଧାର କାର୍ଯ୍ୟ ଜାରି ରହିଛି ।